متّی 18:9 - کِتاب مُقدّس سرائیکی ترجمہ

⁹ تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ۔ تیڈے کیتے ہِک اکھ نال زندگی ءچ داخل تھیوݨ، ڈوہائیں اکھیں ہوندے ہوئے جہنم دی بھاہ ءچ سَٹ ڈِتے ونجنڑ کنُوں چنگا ہے۔

متّی دی راہِیں اِنجِیل سرائیکی بولی اِچ

⁹ اَتے جے تیݙی اَکھ تَیکُوں گُمراہ کرے تاں تُوں اُونکُوں کڈھ کرائیں بُھکا سَٹ؛ ݙوہائیں اَکھیں نال دوزخ دی بھاہ اِچ بُھکا سَٹئیں وَنڄن کنُوں چَنڳاں ہے جو تُوں کاݨا تھی کرائیں ہمیشاں دی حیاتی اِچ داخل تِھیویں۔

متّی 18:9 Referans Kwoze

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

متّی 18:8

بس جے تیڈا ہتھ یا تیڈا پیر تَیں کنُوں گُناہ کراوے تاں اُونکُوں کپ تے سَٹ ڈے۔ تیڈا ٹُنڈا یا منڈا تھی تے زندگی ءچ داخل تھیوݨ، تیڈا ڈوہائیں پیراں سمیت ہمیشاں تئیں بلنڑ آلی بھاہ ءچ سٹے ونجنڑ کنُوں چنگا ہے۔

متّی 5:29

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

مُکاشفہ 21:27

کوئی ناپاک چیز یا کوئی گندے کم کرݨ آلا یا کُوڑ گھڑن آلا اُوندے ءچ کڈھائیں داخل نہ تھیسی، پر صرف اُوہو جِنہاں دے ناں لیلے دی کتاب ِ حیات ءچ لِکھے گئے ہِن۔

عبرانیوں 4:11

اِیں واسطے آؤ، اساں اُوں ارام ءچ داخل تھیوݨ دی پُوری کوشش کرُوں تاں جو کوئی بندہ پِیُو ڈاڈا دے نافرمانی دے نمونے اُتے ٹُر تے، ڈھے نہ پووے۔

مرقس 9:47

تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ کیوں جو کانڑاں تھی تے خُدا دی بادشاہی ءچ داخل تھیوݨ، ڈُو اکھیں رکھیندے ہوئے دوزخ ءچ ونجنڑ کنُوں چنگا ہے۔

متّی 19:17

اُوں اُونکُوں آکھیا جو ”تُوں مَیں کنُوں نیکی بارے کیوں پُچھدیں؟ نیک تاں بس ہِک ای ہے پر جے تُوں زندگی ءچ داخل تھیوݨ چاہندیں تاں حُکماں اُتے عمل کر۔“

متّی 16:26

بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟ یا بندہ آپنڑی جان دے بدلے کیا ڈیسی؟