متّی 18:8 - کِتاب مُقدّس سرائیکی ترجمہ

⁸ بس جے تیڈا ہتھ یا تیڈا پیر تَیں کنُوں گُناہ کراوے تاں اُونکُوں کپ تے سَٹ ڈے۔ تیڈا ٹُنڈا یا منڈا تھی تے زندگی ءچ داخل تھیوݨ، تیڈا ڈوہائیں پیراں سمیت ہمیشاں تئیں بلنڑ آلی بھاہ ءچ سٹے ونجنڑ کنُوں چنگا ہے۔

متّی دی راہِیں اِنجِیل سرائیکی بولی اِچ

⁸ جے تیݙا ہَتھ یا پیر تَیکُوں گُمراہ کرے تاں تُوں اُونکُوں کَپ کرائیں بُھکا سَٹ؛ ݙُوہائیں ہَتھیں پیریں سمیت دوزخ دی بھاہ اِچ سَٹئیں وَنڄن کنُوں چَنڳاں ہے جو تُوں ٹُنڈا یا منڈا تھی کرائیں ہمیشاں دی حیاتی اِچ داخل تِھیویں۔

متّی 18:8 Referans Kwoze

رومیوں 13:12

رات تقریباً لنگھ گئی ہے تے ڈینہہ نِکلنڑ آلا ہے، اِیں واسطے اساں اندھارے دے کماں کُوں چھوڑ تے نُور دے ہتھیار بَدھ گِھنوں۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

مُکاشفہ 14:10

اُونکُوں وی خُدا دے قہر دی شراب پِیونڑی پوسی جیہڑی بغیر ملاوٹ دے، اُوندے غضب دے پیالہ ءچ بھری گئی ہے۔ تے او پاک فرشتیاں تے لیلے دے سامنڑے بھاہ تے گندھک دے عذاب ءچ مُبتلا راہسی۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

لُوقا 14:33

بس اِیں طرحاں تُہاڈے ءچوں جیہڑا کوئی آپنڑا سبھ کُجھ چھوڑ نہ ڈیوے، میڈا شاگرد نئیں تھی سگدا۔

متّی 25:46

تے اِنہاں کُوں ہمیشاں دی سزا مِلسی پر راستباز کُوں ہمیشاں دی زندگی۔“

متّی 25:41

وَل او آپنڑے کھبے پاسے آلیاں کُوں اکھیسی، ’لعنتیو! میڈے سامنڑے کنُوں پرے تھی ونجو، تے اُوں ہمیشاں تئیں بلنڑ آلی بھاہ ءچ چلے ونجو جیہڑی ابلیس تے اُوندے فرشتیاں کیتے تیار کیتی گئی ہے۔

لُوقا 16:24

اُوں چِلا تے آکھیا، ’ابّا ابرہام! میڈے اُتے رحم کر تے لعزر کُوں بھیج جو آپنڑی انگل دا سرا پانڑی ءچ بوڈ تے میڈی زبان کُوں ٹھڈا کرے، کیوں جو مَیں اِیں بھاہ ءچ تڑپدا پِیا ہاں۔‘

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“