متّی 18:7 - کِتاب مُقدّس سرائیکی ترجمہ

⁷ گُمراہ کرݨ آلیاں چیزاں دی وجہ کنُوں اِیں دُنیا اُتے افسوس ہے۔ ایجھیاں ٹھوکراں دا ہووݨ تاں ضرور ہے پر اُوں بندے اُتے افسوس جیندی وجہ کنُوں ٹھوکر لگے۔

متّی دی راہِیں اِنجِیل سرائیکی بولی اِچ

⁷ دُنیاں تے افسوس کیوں جو اِتھاں اِینجھیں شئیں ہِن جیرھیاں لوکیں کُوں گمراہ کریندِن۔ ایہ شئیں ہمیشاں ہوسِن پِیاں پَر اُوں بندے اُتے افسوس جَیندی وجہ کنُوں گُمراہ کرَݨ والی شئیں سامݨے آوَݨ۔

متّی 18:7 Referans Kwoze

لُوقا 17:1

وَل یسُوع آپنڑے شاگرداں کُوں آکھیا، ”ایہ ناممکن ہے جو ازمائشاں نہ آوݨ، پر اُوں بندے اُتے افسوس جیندی وجہ کنُوں آوݨ۔

1کُرِنتھِیوں 11:19

تُہاڈے ءچ تفرقے دا ہووݨ ضرور ہے تاں جو ظاہر تھی ونجے جو تُہاڈے ءچ کیہڑے لوک سچے ہِن۔

متّی 26:24

اِبنِ آدم تاں جِینویں اُوندے حق ءچ لِکھیا ہے ویندا ای ہے، پر اُوں بندے اُتے افسوس جیندے ذریعے اِبنِ آدم پکڑوایا ویندے۔ اُوندے کیتے چنگا ہا جو او پیدا ای نہ تھیندا۔“

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

طِطُس 2:8

تے تیڈا کلام ایجھا صحیح ہووے جو کوئی بندہ اُوندے اُتے انگل نہ چا سگے تاں جو مخالفاں کُوں ساڈے اُتے اِلزام لاوݨ دا موقع نہ مِلے تے او شرمندہ تھی ونجنڑ۔

طِطُس 2:5

تے مُتّقی، پاک دامن، گھر دا کم کرݨ آلیاں تے مہربان ہووݨ تے آپنڑے پایاں دے تابع راہوݨ تاں جو خُدا دے کلام دی بدنامی نہ تھیوے۔

1 تِیمُتھِیُس 6:1

جیہڑے نوکر غُلامی دی پنجالی ءچ ہِن او آپنڑے مالکاں کُوں پُوری عزت دے لائق سمجھنڑ تاں جو کوئی خُدا دے ناں دی تے ساڈی تعلیم دی بدنامی نہ کرے۔

اعمال 1:16

”بِھراؤ! اُوں نوِشتہ دا پُورا تھیوݨ ضرور ہا، جیہڑا رُوح القُدس پہلے ای داؤد دی زبان کنُوں اکھوا ڈِتا ہا۔ او گالھ یہُوداہ دے بارے ءچ ہئی جئیں یسُوع کُوں پکڑواوݨ آلیاں دی راہنمائی کیتی ہئی،

یُوحنّا 17:12

جئیں تئیں مَیں اُنہاں دے نال ہم، مَیں تیڈے بخشے ہوئے ناں دے وسیلہ نال اُنہاں دی حفاظت کیتی۔ مَیں اُنہاں دی ڈیکھ بھال کیتی تے اُنہاں ءچوں کوئی ہلاک نہ تھیّا سوائے اُوندے جئیں ہلاک تھیونڑا ہا، تاں جو خُدا دا کلام پُورا تھیوے۔

مرقس 13:7

جِیں ویلے تُساں جنگاں تے جنگاں دیاں افواہاں سُنڑو تاں گھبرا نہ وَنجائے۔ اِنہاں دا تھیوݨ لازم ہے پر اُوں ویلے خاتمہ نہ تھیسی۔

متّی 16:23

یسُوع پطرس دو مُڑ تے آکھیا، ”شیطان! میڈے کنُوں دُور تھی وَنج۔ تُوں میڈے کیتے ٹھوکر دا باعث ہیں کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“