متّی 18:5 - کِتاب مُقدّس سرائیکی ترجمہ

⁵ تے جیہڑا کوئی ایجھے بال کُوں میڈے ناں ءچ قبول کریندے او میکُوں قبول کریندے۔

متّی دی راہِیں اِنجِیل سرائیکی بولی اِچ

⁵ اَتے جیرھا وی اِنہیں ٻالیں اِچوں کہیں ہِک کُوں میݙے ناں تے قبول کریندے او مَیکُوں قبول کریندے۔“

متّی 18:5 Referans Kwoze

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

گلتِیوں 4:14

میڈی ایہ جِسمانی حالت تُہاڈی ازمائش دا سبب ہئی، پر تُساں نہ تاں میکُوں حقیر جانڑیا تے نہ ای مَیں تُوں نفرت کیتی۔ اِیندے بجائے تُساں میکُوں خُدا دے فرشتہ وانگُوں بلکہ مسیح یسُوع وانگُوں قبول کیتا۔

یُوحنّا 13:20

مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“

مرقس 9:37

”جیہڑا کوئی میڈے ناں ءچ ایجھے بال کُوں قبول کریندے او میکُوں قبول کریندے، تے جیہڑا کوئی میکُوں قبول کریندے او میکُوں نئیں بلکہ میڈے بھیجنڑ آلے کُوں قبول کریندے۔“

لُوقا 9:48

وَل اُنہاں کُوں آکھیا، ”جیہڑا کوئی میڈے ناں ءچ اِیں بال کُوں قبول کریندے او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے، کیوں جو جیہڑا تُہاڈے ءچوں سبھ کنُوں چھوٹا ہے اُوہو وڈا ہے۔“

مرقس 9:41

تے جیہڑا کوئی تُہاکُوں اِیں واسطے ہِک پیالہ پانڑی پِلیندے جو تُساں المسیح دے ہیوے، مَیں تُہاکُوں سچ آدھا ہاں جو او آپنڑا اجر ہرگز نہ ونجیسی۔

متّی 25:45

وَل او اُنہاں کُوں جواب ڈیسی، ’مَیں تُہاکُوں سچ آدھا ہاں جو جِیں ویلے تُساں اِنہاں ساریاں کنُوں چھوٹیاں ءچوں کہیں دے نال ایہ سلوک نہ کیتا تاں میڈے نال نہ کیتا۔‘

متّی 7:8

کیوں جو جیہڑا منگدے اُونکُوں مِلدے، جیہڑا گولھیندے او پیندے تے جیہڑا کھڑکیندے اُوندے کیتے کھولیا ویندے۔

متّی 18:4

بس جیہڑا کوئی آپنڑے آپ کُوں اِیں بال وانگُوں چھوٹا بنڑیسی اُوہو اسمان دی بادشاہی ءچ سبھ کنُوں وڈا ہوسی۔

متّی 18:6

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں ڈونگھے سمندر ءچ بوڈ ڈِتا ونجے۔