متّی 18:24 - کِتاب مُقدّس سرائیکی ترجمہ

²⁴ جِیں ویلے او حساب گِھننڑ لگا تاں ہِک بندہ اُوندے سامنڑے حاضر کیتا گِیا جیندے اُتے ارباں دے حساب نال قرض ہا۔

متّی دی راہِیں اِنجِیل سرائیکی بولی اِچ

²⁴ اَتے جݙّاں او حساب گھِنݨ لڳا تاں ہِک ٻاہنے کُوں اُوندے کولھ گھِن آئے جیرھا لَکھیں دا قرضائیں ہا۔

متّی 18:24 Referans Kwoze

لُوقا 16:5

بس اُوں آپنڑے مالک دے ہِک ہِک قرضدار کُوں سڈ تے پہلے کنُوں پُچھیا جو ’تَیں میڈے مالک دا کِتی قرض ڈیونڑاں ہے؟‘

لُوقا 13:4

یا کیا او اٹھارہاں بندے جِنہاں اُتے شیلوخ دا بُرج ڈھٹھا تے او تلے آ تے مر گئے، یروشلیم دے باقی لوکاں کنُوں زیادہ قصُوروار ہَن؟

لُوقا 16:7

وَل ڈُوجھے کُوں آکھیا، ’تیڈے اُتے کِتی قرض ہے؟‘ اُوں آکھیا، ’سو بوری کنڑک۔‘ اُوں اُونکُوں آکھیا، ’آپنڑے کاغذات گِھن تے اسّی لِکھ ڈے۔‘

متّی 18:23

بس اسمان دی بادشاہی اُوں بادشاہ وانگُوں ہے جئیں آپنڑے نوکراں تُوں حساب گِھننڑ چاہیا۔

متّی 18:25

پر کیوں جو اُوندے کولھ قرض لہاوݨ کیتے کُجھ نہ ہا، اُوندے مالک حُکم ڈِتا جو اُونکُوں، اُوندی ذال تے اُوندے بالاں کُوں تے جیہڑا کُجھ اُوندا ہے سبھ کُجھ ویچ ڈِتا ونجے تے قرض وصُول کر گِھدا ونجے۔

متّی 25:15

اُوں ہر ہِک کُوں اُوندی قابلیت دے مطابق تقسیم کر ڈِتا، ہِک کُوں سونے دے سِکیاں دے پنج تھیلے، ڈُوجھے کُوں ڈُو تے تریجھے کُوں ہِک تے وَل او سفر اُتے روانہ تھی گِیا۔

متّی 25:16

جِیں نوکر کُوں پنج تھیلے مِلے ہَن اُوں فوراً وَنج تے کاروبار کیتا تے پنج تھیلے بئے کَما گِھدے۔

متّی 25:20

جِینکُوں پنج تھیلے مِلے ہَن او پنج تھیلے بئے گِھن تے آیا تے آکھنڑ لگا، ’مالک! تُساں میکُوں پنج تھیلے ڈِتے ہَن۔ ڈیکھو مَیں پنج تھیلے بئے کمائے ہِن۔‘

متّی 25:22

جِینکُوں ڈُو تھیلے مِلے ہَن او وی آیا تے آکھنڑ لگا، ’ مالک! تُساں میکُوں ڈُو تھیلے ڈِتے ہَن، ڈیکھو مَیں ڈُو تھیلے بئے کَما گِھدن۔‘

متّی 25:24

وَل جِینکُوں ہِک تھیلہ مِلیا ہا او وی آیا تے آکھنڑ لگا، ’ مالک! مَیں جانڑدا ہاں جو تُساں سخت بندے ہیوے، تے جِتھاں نئیں رہایا اُتھوں کپیندے ہیوے، تے جِتھاں نئیں کِھنڈایا، اُتھوں جمع کریندے ہیوے۔