متّی 18:15 - کِتاب مُقدّس سرائیکی ترجمہ

¹⁵ جے تیڈا بِھرا تیڈے خلاف گُناہ کرے تاں وَنج تے کلھیپے ءچ اُونکُوں سمجھا۔ جے او تیڈی سُنڑے تاں سمجھ گِھن جو تَیں آپنڑے بِھرا کُوں پا گِھدے۔

متّی دی راہِیں اِنجِیل سرائیکی بولی اِچ

¹⁵ ”جے تیݙا بِھرا تیݙا قصُور کرے تاں اُوندے کولھ وَنڄ کرائیں اُونکُوں کلھا کر اَتے اُوندا قصُور اُونکُوں ݙسا جے او تیݙی ڳالھ مَن گھِنے تاں تَیں اپݨے بِھرا نال ملاپ کر گھِدے۔

متّی 18:15 Referans Kwoze

کلُسِّیوں 3:13

ہِک ڈُوجھے دی برداشت کرو تے جے کوئی شکایت ہووے تاں ہِک ڈُوجھے کُوں معاف کرو۔ جِینویں خُداوند تُہاکُوں معاف کیتے، اُونویں ای تُساں وی معاف کرو۔

گلتِیوں 6:1

بِھراؤ! جے کوئی کہیں گُناہ ءچ پَھس ونجے تاں تُساں جیہڑے رُوحانی ہیوے، ایجھے بندے کُوں حلیمی نال بحال کر ڈیؤ۔ پر آپنڑا وی خیال رکھو جو کِتھائیں تُساں وی کہیں ازمائش دا شکار نہ تھی ونجو۔

2تھِسّلُنیکیوں 3:15

پر اُونکُوں دُشمنڑ نہ سمجھو بلکہ بِھرا سمجھ تے نصیحت کرو۔

متّی 18:35

میڈا اسمانی باپ وی تُہاڈے نال اِینویں ای کریسی جے تُہاڈے ءچوں ہر ہِک آپنڑے بِھرا کُوں دل تُوں معاف نہ کرے۔“

رومیوں 12:21

بدی کُوں آپنڑے اُتے غالب نہ آوݨ ڈے بلکہ نیکی نال بدی اُتے غالب آ۔

1 پطرس 3:1

ذالو! اِینویں ای تُساں وی آپنڑے پایاں دے تابع راہو۔ وَل بھانویں اُنہاں ءچوں کُجھ خُدا دے کلام کُوں نہ منیندے ہووݨ، او آپنڑی ذال دا چال چلنڑ ڈیکھ تے اِیمان دو آ ویسن۔ اُنہاں کُوں کُجھ آکھنڑ دی ضرورت نہ ہوسی،

1کُرِنتھِیوں 8:12

تُوں آپنڑے بِھرانواں دے کمزور ضمیر کُوں دھک لگنڑ دا سبب بنڑ تے نہ صرف اُنہاں دے خلاف گُناہ کیتے بلکہ مسیح دے خلاف وی۔

2کُرِنتھِیوں 7:12

بےشک مَیں او خط لِکھیا تاں ہا، پر اِیں واسطے نئیں جو اُوں غلط کم کرݨ آلے دے بارے ءچ لِکھاں یا اُوندے بارے ءچ جِیندے نال غلط کم تھئے، بلکہ اِیں واسطے جو خُدا دے حضُور تُہاڈے اُتے ظاہر تھی ونجے جو تُساں ساڈے کیتے کِتنا جوش رکھیندے ہیوے۔

1تھِسّلُنیکیوں 4:6

تے اِیں معاملے ءچ کوئی وی آپنڑے بِھرا کُوں دوکھا نہ ڈیوے یا اُوندے نال زیادتی نہ کرے۔ خُداوند ایجھے کم کرݨ آلیاں کُوں سزا ڈیسی جِینویں جو اساں تُہاکُوں پہلے ای ڈسا تے خبردار کر ڈِتے۔

متّی 18:14

اِینویں ای تُہاڈا اسمانی باپ ایہ نئیں چاہندا جو اِنہاں چھوٹیاں ءچوں ہِک وی ہلاک تھیوے۔

متّی 18:21

اُوں ویلے پطرس کولھ آ تے اُونکُوں پُچھیا، ”مالک! جے میڈا بِھرا میڈا گُناہ کریندا راہوے تاں مَیں اُونکُوں کِتی پھیری معاف کراں؟ کیا سَت پھیری؟“

طِطُس 3:10

تفرقے باز کُوں ہِک ڈُو پھیری نصیحت کر، تے بعد ءچ اُوں کنُوں کنارہ کر۔