متّی 17:5 - کِتاب مُقدّس سرائیکی ترجمہ

⁵ او ایہ آدھا ای پِیا ہا جو ڈیکھو ہِک نُورانی بدلی اُنہاں اُتے چھاں کر ڈِتی تے اُوں بدلی ءچوں اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں، اِیندی سُنڑو۔“

متّی دی راہِیں اِنجِیل سرائیکی بولی اِچ

⁵ اَڄݨ او ایہ اَہدا ای پِیا ہا تاں ہِک چمکدار بَدّل آ کرائیں اُنہیں اُتے چھاں کر ݙِتی اَتے اُوں بَدّل اِچوں اَواز اَئی، ”ایہ میݙا پیارا پُتر ہے جَیں کنُوں مَیں خُش ہاں اِیندی تعلیم سُݨو۔“

متّی 17:5 Referans Kwoze

متّی 3:17

تے اسمان تُوں ایہ اواز آئی جو ”ایہ میڈا پیارا پوتر ہے جیندے کنُوں مَیں بہُوں خوش ہاں۔“

متّی 12:18

”ڈیکھو میڈا خادم، جِینکُوں مَیں چُنڑیا۔ میڈا محبوب جئیں کنُوں میڈا دل خوش ہے۔ مَیں آپنڑا رُوح اُوندے اُتے نازل کریساں تے او قوماں ءچ اِنصاف دا اعلان کریسی۔

مرقس 9:7

وَل ہِک بدّل اُنہاں اُتے چھاں کر ڈِتی تے اُوں بدّل ءچوں اواز آئی جو ”ایہ میڈا پیارا پوتر ہے، اِیندی سُنڑو۔“

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

مرقس 1:11

تے اسمان کنُوں ایہ اواز آئی جو ”تُوں میڈا پیارا پوتر ہیں، مَیں تَیں کنُوں بہُوں خوش ہاں۔“

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

لُوقا 3:22

تے رُوح القُدس جِسمانی صورت ءچ کبوتر وانگُوں اُوندے اُتے نازل تھیّا تے اسمان کنُوں اواز آئی جو ”تُوں میڈا پیارا پوتر ہیں، تَیں کنُوں مَیں بہُوں خوش ہاں۔“

عبرانیوں 5:9

اِیں طرح کاملیت تئیں پُجنڑ تُوں بعد او اُنہاں ساریاں کیتے ابدی نجات دا سبب بنڑیا جیہڑے اُوندی تابعداری کریندے ہَن۔

اعمال 7:37

ایہ اُوہو مُوسیٰ ہے جئیں بنی اِسرائیل کُوں آکھیا جو ’خُدا تُہاڈے بِھرانواں ءچوں تُہاڈے کیتے میڈے وانگُوں ہِک نبی پیدا کریسی۔‘

یُوحنّا 5:37

تے باپ جئیں میکُوں بھیجیا ہے، اُوں خود میڈے حق ءچ گواہی ڈِتی ہے۔ تُساں نہ تاں کڈھائیں اُوندی اواز سُنڑی ہے نہ ای اُوندی شکل ڈِٹھی ہے،

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

اِفِسیوں 1:6

تاں جو اُوندے اُوں جلال آلے فضل دی حمد ہووے، جیہڑا اُوں آپنڑے عزیز پوتر دے وسیلے نال ساکُوں مُفت بخشیا۔

یُوحنّا 3:16

کیوں جو خُدا دُنیا نال ایجھی محبت کیتی جو اُوں آپنڑا اِکلوتا پوتر بخش ڈِتا تاں جو جیہڑا کوئی اُوندے اُتے اِیمان گِھن آوے، ہلاک نہ تھیوے بلکہ ہمیشاں دی زندگی پاوے۔

اعمال 1:9

ایہ آکھ تے او اُنہاں دے ڈیدھے ڈیدھے اُتے چا گِھدا گِیا تے بدّل اُونکُوں اُنہاں دے اکھیں کنُوں لُکا گِھدا۔

متّی 17:6

شاگرد ایہ سُنڑ تے مُنہ دے بھار ڈھٹھے تے بہُوں ڈر گئے۔

مُکاشفہ 14:14

وَل مَیں نِگاہ کیتی تاں ڈِٹھا جو ہِک چِٹا بدّل ہے تے اُوندے اُتے اِبنِ آدم جِیہا کوئی بیٹھا ہے جیندے سر اُتے سونے دا تاج تے ہتھ ءچ تیز ڈاتری ہے۔