متّی 17:27 - کِتاب مُقدّس سرائیکی ترجمہ

²⁷ پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“

متّی دی راہِیں اِنجِیل سرائیکی بولی اِچ

²⁷ پَر اَساں اُنہیں کُوں ناراض نَئیِں کرَݨ چاہندے۔ اِیں کیتے جھیل دو وَنڄ اَتے کُنڈی سَٹ ݙیویں اَتے جیرھی مچھی پہلے ہَتھ آوے اُونکُوں پکڑ تے ݙیکھیں اُوندے مُونہہ اِچ چاندی دا سِکّہ ہوسی او کڈھ کرائیں میݙے اَتے اپݨے وَلّوں مصُول گھِنݨ آلئیں کُوں ݙے ݙیویں۔“

متّی 17:27 Referans Kwoze

2کُرِنتھِیوں 6:3

اساں کہیں وی گالھ ءچ تُھڈا کھاوݨ دا سبب نئیں بنڑدے تاں جو ساڈی اِیں خدمت اُتے کوئی انگل نہ چاوے۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

1کُرِنتھِیوں 8:9

پر خبردار راہو، اِینویں نہ تھیوے جو تُہاڈی ایہ ازادی کمزور اِیمان آلیاں کیتے تُھڈا کھاوݨ دا سبب بنڑ ونجے۔

1کُرِنتھِیوں 8:13

اِیں واسطے جے میڈا کھانڑا میڈے مسیحی بِھرا کیتے تُھڈا لگنڑ دا سبب ہے تاں مَیں گوشت کڈھائیں نہ کھاساں تاں جو آپنڑے بِھرا کیتے تُھڈا لگنڑ دا سبب نہ بنڑاں۔

رومیوں 14:21

اِیہو چنگا ہے جو تُوں نہ گوشت کھاویں، نہ انگُور دا رَس پِیویں تے نہ ایجھا کم کریں جیندے نال تیڈے بِھرا کُوں تُھڈا لگے۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

1تھِسّلُنیکیوں 5:22

ہر طرحاں دی بدی کنُوں دُور راہو۔

یُوحنّا 6:61

یسُوع ایہ جاݨ تے جو اُوندے شاگرد اِیں گالھ اُتے آپس ءچ بُڑبُڑ کریندے ہِن، اُنہاں کُوں آکھیا، ”کیا تُساں اِیں تُوں تُھڈا کھاندے ہیوے؟

متّی 5:29

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 5:30

تے جے تیڈا سجا ہتھ تَیں کنُوں گُناہ کراوے تاں اُونکُوں کپ سَٹ۔ کیوں جو تیڈے کیتے اِیہو چنگا ہے جو تیڈے سارے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 17:26

جِیں ویلے اُوں آکھیا، ”غیراں کنُوں،“ تاں یسُوع اُونکُوں آکھیا۔ ”وَل پوتر آزاد تھئے۔

متّی 18:6

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں ڈونگھے سمندر ءچ بوڈ ڈِتا ونجے۔

متّی 18:8

بس جے تیڈا ہتھ یا تیڈا پیر تَیں کنُوں گُناہ کراوے تاں اُونکُوں کپ تے سَٹ ڈے۔ تیڈا ٹُنڈا یا منڈا تھی تے زندگی ءچ داخل تھیوݨ، تیڈا ڈوہائیں پیراں سمیت ہمیشاں تئیں بلنڑ آلی بھاہ ءچ سٹے ونجنڑ کنُوں چنگا ہے۔

مرقس 9:42

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن، کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ونجے۔

مرقس 9:43

جے تیڈا ہتھ تَیں کنُوں گُناہ کراوے تاں اُونکُوں کپ سَٹ کیوں جو ٹُنڈا تھی تے زندگی ءچ داخل تھیوݨ، ڈُو ہتھاں نال دوزخ دی اُوں بھاہ ءچ سٹے ونجنڑ کنُوں چنگا ہے جیہڑی کڈھائیں وی نئیں وِسمدی۔

لُوقا 17:2

اِنہاں چھوٹیاں ءچوں کہیں کیتے اِیمان تُوں گُمراہ تھیوݨ دا سبب بنڑݨ کنُوں اُوندے کیتے اِیہو چنگا ہے جو چکّی دا بھارا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ویندا۔