متّی 17:22 - کِتاب مُقدّس سرائیکی ترجمہ

²² جِیں ویلے او گلیل ءچ ہَن، یسُوع اُنہاں کُوں آکھیا، ”اِبنِ آدم، بندیاں دے حوالے کیتا ویسی۔

متّی دی راہِیں اِنجِیل سرائیکی بولی اِچ

²² جݙّاں سارے شاگِرد صوبہ گلِیل اِچ کٹھے تھئے تاں یِسُوع اُنہیں کُوں آکھیا، ”اِبنِ‌آدم یعنی مَیکُوں لوکیں دے حوالے کیتا ویسی،

متّی 17:22 Referans Kwoze

متّی 16:21

اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

مرقس 8:31

وَل یسُوع اُنہاں کُوں تعلیم ڈیوݨ لگا جو ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ ولا زندہ تھی ونجے۔

متّی 17:23

تے او اُونکُوں قتل کریسن تے او تریجھے ڈینہہ زندہ کیتا ویسی۔ ایہ سُنڑ تے او بہُوں غمگین تھئے۔“

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

لُوقا 9:22

تے آکھیا، ”ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ زندہ تھی ونجے۔“

اعمال 7:52

نبیاں ءچوں کِینکُوں تُہاڈے پِیُو ڈاڈا نئیں ستایا؟ اُنہاں تاں اُوں راستباز [یعنی المسیح] دے آوݨ دی خبر ڈیوݨ آلے کُوں قتل کر ڈِتا تے ہُنڑ تُساں اُوندے پکڑواوݨ آلے تے قاتل تھئے۔

متّی 26:46

اُٹھو جُلوں۔ ڈیکھو میکُوں پکڑواوݨ آلا نیڑے آ پُجے۔“

متّی 24:10

اُوں ویلے بہُوں سارے لوک اِیمان کنُوں پِھر ویسن تے ہِک ڈُوجھے کُوں پکڑویسن تے آپس ءچ دُشمنڑی رکھیسن۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

1کُرِنتھِیوں 11:23

کیوں جو ایہ گالھ میکُوں خُداوند کنُوں مِلی تے مَیں تُہاڈے تئیں پُچا ڈِتی ہے جو خُداوند یسُوع جِیں رات او پکڑوایا گِیا، روٹی گِھدی،

متّی 26:16

او اُوں ویلے کنُوں یسُوع کُوں پکڑواوݨ دے موقعے دی تاڑ ءچ راہوݨ لگا۔

متّی 17:9

جِیں ویلے او پہاڑ کنُوں تلے لہندے پئے ہَن تاں یسُوع اُنہاں کُوں حُکم ڈِتا جو ”جیہڑا کُجھ تُساں ڈِٹھے جِیں ویلے تئیں اِبنِ آدم مُردیاں ءچوں زندہ نہ تھی ونجے کہیں نال اُوندا ذِکر نہ کرائے۔“

متّی 17:12

پر مَیں تُہاکُوں آدھا ہاں جو ایلیّاہ تاں آ گئے تے اُنہاں اُونکُوں نئیں سُنجانڑیا، بلکہ جِینویں چاہیا اُونویں ای اُوندے نال کیتا۔ اِینویں ای اِبنِ آدم وی اُنہاں دے ہتُھوں ڈُکھ چیسی۔“

لُوقا 9:43

سبھ لوک خُدا دی قُدرت ڈیکھ تے حیران تھئے۔ جیہڑے ویلے سبھ لوک اُنہاں سبھ کماں کنُوں جیہڑے یسُوع کریندا ہا، حیران تھیندے پئے ہَن، اُوں آپنڑے شاگرداں کُوں آکھیا،