متّی 17:2 - کِتاب مُقدّس سرائیکی ترجمہ

² اُتھاں اُنہاں دے سامنڑے اُوندی شکل بدل گئی۔ اُوندا مُنہ سِجھ وانگُوں چمکنڑ پے گِیا تے اُوندا لباس نُور وانگُوں چِٹّا تھی گِیا۔

متّی دی راہِیں اِنجِیل سرائیکی بولی اِچ

² اَتے اُنہیں دے ݙیہدئیں ݙیہدئیں یِسُوع دی صُورت وَٹیڄ ڳئی اَتے اُوندا چہرہ سِجھ وانگوں چمکݨ لڳ پِیا اَتے اُوندی پُشاک نُور وانگوں چِٹی تھی ڳئی۔

متّی 17:2 Referans Kwoze

متّی 28:3

اُوندی شکل بجلی وانگُوں ہئی تے اُوندے کپڑے برف وانگُوں چِٹے ہَن۔

لُوقا 9:29

جِیں ویلے او دُعا کریندا پِیا ہا تاں اُوندی شکل بدل گئی تے اُوندا لباس چِٹّا تے نُورانی تھی گِیا۔

مُکاشفہ 10:1

وَل مَیں ہِک بئے زور آور فرشتے کُوں ڈِٹھا جیہڑا اسمان کنُوں لہندا پِیا ہا۔ او بدّل کُوں ولھیٹی پِیا ہا تے اُوندے سر اُتے کمان ہئی۔ اُوندا چہرہ سِجھ وانگُوں ہا تے جنگھاں بھاہ دے تھمبیاں وانگُوں ہَن۔

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

مرقس 9:3

اُوندا لباس نُورانی تے بالکل چِٹّا تھی گِیا، ایجھا چِٹّا جو دُنیا دا کوئی دھوبی نئیں کر سگدا۔

رومیوں 12:2

اِیں دُنیا دے طور طریقے اِختیار نہ کرو بلکہ سوچ نوِیں تھی ونجنڑ دے سببّوں تُساں وی بدل ونجو، تاں جو تُساں خُدا دی نیک، پسندیدہ تے کامِل مرضی کُوں تجربے نال جاݨ سگو۔

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

متّی 17:1

چِھی ڈینہہ بعد یسُوع پطرس، یعقُوب تے یعقُوب دے بِھرا یُوحنّا کُوں نال گِھدا تے اُنہاں کُوں ہِک اُچے پہاڑ اُتے اَنج گِھن گِیا۔

متّی 17:3

تے ڈیکھو مُوسیٰ تے ایلیّاہ اُوندے نال گالھیں کریندے نظر آئے۔