متّی 16:21 - کِتاب مُقدّس سرائیکی ترجمہ

²¹ اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

متّی دی راہِیں اِنجِیل سرائیکی بولی اِچ

²¹ اِیندے بعد کنُوں یِسُوع اپݨے شاگِردئیں کُوں صاف صاف ݙساوَݨ لڳا، ”ایہ ضروری ہے جو مَیں شہر یروشلم دو وَنڄاں اَتے اِسرائیلی قوم دے وَݙّیرے، وَݙّے مذہبی پیشوائیں اَتے شرع دے عالمیں کنُوں ٻَہُوں ݙُکھ چاواں اَتے قتل کیتا وَنڄاں اَتے تریجھے ݙینہہ مَیں وَلا زندہ تھی وَنڄاں۔“

متّی 16:21 Referans Kwoze

متّی 17:12

پر مَیں تُہاکُوں آدھا ہاں جو ایلیّاہ تاں آ گئے تے اُنہاں اُونکُوں نئیں سُنجانڑیا، بلکہ جِینویں چاہیا اُونویں ای اُوندے نال کیتا۔ اِینویں ای اِبنِ آدم وی اُنہاں دے ہتُھوں ڈُکھ چیسی۔“

متّی 27:63

”سائیں! ساکُوں یاد ہے جو اُوں دوکھے باز آپنڑے زندہ ہوندے آکھیا ہا جو مَیں ترے ڈینہہ بعد زندہ تھی ویساں۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

لُوقا 17:25

پر لازم ہے جو پہلے او بہُوں ڈُکھ چاوے تے اِیں زمانے دے لوک اُونکُوں رَد کرݨ۔

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

مرقس 8:31

وَل یسُوع اُنہاں کُوں تعلیم ڈیوݨ لگا جو ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ ولا زندہ تھی ونجے۔

لُوقا 9:31

او جلال ءچ ظاہر تھئے تے اُوندے دُنیا تُوں ونجنڑ دا ذِکر کریندے پئے ہَن جیہڑا یروشلیم ءچ تھیوݨ آلا ہا۔

متّی 26:47

او ایہ گالھیں کریندا ای پِیا ہا جو یہُوداہ جیہڑا اُنہاں بارہاں ءچوں ہا، اُتھاں آ گِیا۔ اُوندے نال ہِک وڈی بِھیڑ، تلواراں تے سوٹے چا تے آ پُجی، جِینکُوں سردار کاہِن تے قوم دے بزُرگاں بھیجیا ہا۔

متّی 26:2

”تُہاکُوں پتہ ہے جو ڈُو ڈینہہ بعد عید ِ فسح ہے، تے اِبنِ آدم کُوں پکڑوا ڈِتا ویسی تاں جو او صلیب اُتے چڑھا ڈِتا ونجے۔“

متّی 27:12

پر جِیں ویلے سردار کاہِن تے بزُرگ اُوندے اُتے اِلزام لیندے پئے ہَن تاں اُوں کُجھ جواب نہ ڈِتا۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

متّی 12:40

کیوں جو جِینویں یُوناہ ترے ڈینہہ رات وڈی مچھی دے پیٹ ءچ ریہا اِینویں ای اِبنِ آدم ترے ڈینہہ رات زمین دے اندر راہسی۔

متّی 16:22

پطرس اُونکُوں اَنج کر تے ملامت کرݨ لگا جو، ”مالک! خُدا نہ کرے، تُہاڈے نال کڈھائیں اِینویں تھیوے۔“

متّی 17:9

جِیں ویلے او پہاڑ کنُوں تلے لہندے پئے ہَن تاں یسُوع اُنہاں کُوں حُکم ڈِتا جو ”جیہڑا کُجھ تُساں ڈِٹھے جِیں ویلے تئیں اِبنِ آدم مُردیاں ءچوں زندہ نہ تھی ونجے کہیں نال اُوندا ذِکر نہ کرائے۔“

متّی 28:6

او اِتھاں کائنی کیوں جو جِینویں اُوں آکھیا ہا زندہ تھی گئے۔ آؤ ڈیکھو، او جاہ جِتھاں او پِیا ہا۔

مرقس 9:12

اُوں اُنہاں کُوں آکھیا جو ”ایلیّاہ تاں پہلے آ تے سبھ کُجھ بحال کریسی، پر کلام ءچ اِبنِ آدم دے بارے ءچ کیوں لِکھیا ہے جو ’او بہُوں ڈُکھ چیسی تے حقیر کیتا ویسی؟‘