متّی 16:16 - کِتاب مُقدّس سرائیکی ترجمہ

¹⁶ شمعون پطرس جواب ڈِتا، ”تُساں زندہ خُدا دے پوتر المسیح ہیوے۔“

متّی دی راہِیں اِنجِیل سرائیکی بولی اِچ

¹⁶ شمعُون پطرس جواب ݙِتا، ”تُوں زندہ خُدا دا پُتر، مسِیحا ہَئیِں۔“

متّی 16:16 Referans Kwoze

متّی 14:33

تے وَل جیہڑے لوک کشتی ءچ ہَن اُنہاں اُونکُوں سجدہ کر تے آکھیا، ”یقیناً تُساں خُدا دے پوتر ہیوے۔“

یُوحنّا 11:27

اُوں اُونکُوں آکھیا، ”ہاں مالک! میڈا اِیمان ہے جو خُدا دا پوتر المسیح جیہڑا دُنیا ءچ آوݨ آلا ہا، تُساں ای ہیوے۔“

1 یُوحنّا 4:15

جیہڑا کوئی اِقرار کریندے جو یسُوع خُدا دا پوتر ہے، خُدا اُوندے ءچ راہندے تے او خُدا ءچ۔

متّی 27:54

جِیں ویلے صوبیدار تے اُوندے ساتھی جیہڑے یسُوع دی نِگرانی کریندے پئے ہَن، زلزلہ تے سارا واقعہ ڈِٹھا تاں بہُوں ای ڈر تے آکھنڑ لگے جو ”سچ مُچ ایہ خُدا دا پوتر ہا۔“

1 تِیمُتھِیُس 4:10

اِیہو وجہ ہے جو اساں سخت محنت تے کوشش کریندے ہیں کیوں جو اساں آپنڑی اُمید اُوں زندہ خُدا اُتے رکھی ہے جیہڑا سارے اِنساناں کُوں، خاص کر اِیمانداراں کُوں نجات ڈیوݨ آلا ہے۔

اعمال 9:20

تے فوراً عبادت خانیاں ءچ یسُوع دی تبلیغ کرݨ لگا جو او خُدا دا پوتر ہے۔

1تھِسّلُنیکیوں 1:9

کیوں جو لوک خود ڈسیندے ہِن جو جِیں ویلے اساں تُہاڈے کولھ آئے تاں تُساں کِینویں خوشی نال ساڈا اِستقبال کیتا، تے کِینویں بُتاں کُوں چھوڑ تے زندہ تے برحق خُدا دی عبادت کرݨ کیتے اُوندے دو آئے،

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

1 یُوحنّا 5:5

دُنیا اُتے کوݨ غالب آندے؟ صرف اُوہو جِیندا اِیمان ہے جو یسُوع خُدا دا پوتر ہے۔

عبرانیوں 10:31

ایہ ہِک خوفناک گالھ ہے جو زندہ خُدا ساکُوں سزا ڈیوݨ کیتے پکڑے۔

رومیوں 1:4

پر پاکیزگی دی رُوح دے لحاظ نال مُردیاں ءچوں زندہ تھیوݨ دے سببّوں بہُوں قُدرت نال خُدا دا پوتر ثابت تھیّا۔ ایہ ساڈا خُداوند یسُوع المسیح ہے،

مرقس 14:61

پر او چُپ ای ریہا تے کوئی جواب نہ ڈِتا۔ کاہِن ِ اعظم اُونکُوں ولا پُچھیا، ”کیا تُوں خُدائے محمُود دا پوتر المسیح ہیں؟“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

عبرانیوں 12:22

بلکہ تُساں صِیُّون پہاڑ، تے زندہ خُدا دے شہر یعنی اسمانی یروشلیم دے کولھ آئے ہیوے، تے خوشی مناوݨ آلے لکھاں فرشتیاں،

1 تِیمُتھِیُس 3:15

جو جے میکُوں آوݨ ءچ دیر تھی ونجے تاں تیکُوں پتا ہووے جو خُدا دے گھر آلیاں دے وچال جیہڑے زندہ خُدا دی کلیسیا تے حق دا تھمبا تے بنیاد ہِن، ساڈا چال چلنڑ کِینویں ہوونڑا چاہیدے۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

2کُرِنتھِیوں 6:16

خُدا دی ہیکل دا بُتاں نال کیا تعلق؟ کیوں جو اساں زندہ خُدا دی ہیکل ہیں، جِینویں خُدا فرمایا ہے جو ”مَیں اُنہاں ءچ راہساں تے اُنہاں دے وچال پِھرساں۔ مَیں اُنہاں دا خُدا ہوساں تے او میڈی قوم ہوسن۔

2کُرِنتھِیوں 3:3

ایہ صاف ظاہر ہے جو تُساں مسیح دی او چِٹھی ہیوے جیہڑی اُوں ساڈی خدمت دے ذریعے لِکھی ہے۔ او چِٹھی مَس نال نئیں بلکہ زندہ خُدا دے رُوح القُدس نال لِکھی گئی ہے، پتھر دیاں تختیاں اُتے نئیں بلکہ اِنسانی دِلاں دیاں تختیاں اُتے۔

اعمال 14:15

آکھنڑ لگے جو ”لوکو! تُساں ایہ کیا کریندے ہیوے؟ اساں وی تُہاڈے آلی کار اِنسان ہیں تے تُہاکُوں خوشخبری سُنڑیندے ہیں تاں جو تُساں اِنہاں بے کار چیزاں کُوں چھوڑ تے زندہ خُدا دو رجُوع گِھن آؤ جئیں زمین تے اسمان تے سمندر تے جیہڑا کُجھ اُنہاں ءچ ہے، پیدا کیتے۔

متّی 4:3

وَل ابلیس کولھ آ تے اُونکُوں آکھیا، ”جے تُوں خُدا دا پوتر ہیں تاں اِنہاں پتھراں کُوں آکھ جو ایہ روٹیاں بنڑ ونجنڑ۔“

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

یُوحنّا 6:69

تے اساں اِیمان گِھن آئے تے جاݨ گئے ہیں جو خُدا دے قدُّوس تُساں ای ہیوے۔“

متّی 1:16

تے یعقُوب تُوں یُوسف جمیا۔ ایہ اُوں مریم دا پایا ہا جِیں تُوں یسُوع جمیا جیہڑا المسیح اکھویندا ہے۔

متّی 16:15

یسُوع اُنہاں کُوں آکھیا، ”پر تُساں میکُوں کیا آدھے ہیوے؟“

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

یُوحنّا 6:57

جِینویں زندہ باپ میکُوں بھیجیا تے مَیں باپ دی وجہ کنُوں زندہ ہاں، اِینویں ای جیہڑا میکُوں کھاسی او میڈی وجہ کنُوں زندہ راہسی۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

2کُرِنتھِیوں 1:19

کیوں جو خُدا دے پوتر یسُوع مسیح، جیندی تبلیغ سِیلاس، تِیمُتِھیُس تے مَیں تُہاڈے وچال کیتی، اُوندے ءچ ”ہاں“ تے ”نہ“ ڈوہائیں نہ ہَن بلکہ اُوندے ءچ ہمیشاں ”ہاں“ ای ہئی۔

عبرانیوں 3:12

بِھراؤ، خبردار راہو جو تُہاڈے ءچوں کہیں دا دل بُرائی پارُوں تے اِیمان نہ رکھنڑ پارُوں زندہ خُدا تُوں پِھر نہ ونجے۔

عبرانیوں 9:14

تاں مسیح دا خون جئیں ازلی رُوح القُدس دے وسیلے نال آپنڑے آپ کُوں خُدا دے حضُور ءچ ہِک بے عیب قُربانی دے طور تے پیش کر ڈِتا، تُہاڈے دل کُوں موت گِھن آوݨ آلے کماں تُوں کیوں نہ پاک کریسی تاں جو تُساں زندہ خُدا دی عبادت کر سگو۔

مُکاشفہ 7:2

وَل مَیں ہِک بئے فرشتے کُوں مشرق کنُوں اُتے چڑھدے ڈِٹھا جیندے کولھ زندہ خُدا دی مُہر ہئی۔ اُوں اُنہاں چارے فرشتیاں کُوں جِنہاں کُوں زمین تے سمندر کُوں نُقصان پُچاوݨ دا اِختیار ڈِتا گِیا ہا، اُچی اواز ءچ آکھیا،

اعمال 8:37

[فِلپُس آکھیا جو ”جے تُساں دل تے جان نال اِیمان رکھیندے ہیوے تاں بپتسمہ گِھن سگدے ہیوے۔“ اُوں جواب ڈِتا، ”مَیں اِیمان رکھیندا ہاں جو یسُوع مسیح خُدا دا پوتر ہے۔“]