متّی 16:1 - کِتاب مُقدّس سرائیکی ترجمہ

¹ وَل فریسیاں تے صدوقیاں یسُوع دے کولھ آ تے اُونکُوں ازماوݨ کیتے درخاست کیتی جو ساکُوں کوئی اسمانی نشان ڈِکھاؤ۔

متّی دی راہِیں اِنجِیل سرائیکی بولی اِچ

¹ اَتے کُجھ فرِیسیئیں اَتے صدوقیئیں یِسُوع کولھ آ کرائیں اُونکُوں پھساوَݨ کیتے پُچھیا جو ساکُوں کُوئی اِینجھا نِشان ݙِکھا جِتھوں پتا چلے جو تُوں اَسمان کنُوں اَئیں۔

متّی 16:1 Referans Kwoze

لُوقا 11:16

کُجھ بئے لوک یسُوع کُوں ازماوݨ کیتے اُوں کنُوں ہِک اسمانی نشان منگنڑ لگے،

اعمال 4:1

پطرس تے یُوحنّا لوکاں کُوں آدھے ای پئے ہَن جو کاہِن تے ہیکل دے سپاہیاں دا سردار تے صدوقی اُنہاں اُتے چڑھ آئے۔

متّی 16:6

یسُوع اُنہاں کُوں آکھیا، ”خبردار فریسیاں تے صدوقیاں دے خمیر کنُوں ہوشیار رہوائے۔“

1کُرِنتھِیوں 1:22

یہُودی نشان منگدے ہِن تے یُونانی دُنیاوی حِکمت گولھیندے ہِن۔

یُوحنّا 8:6

اُنہاں ایہ سوال اُونکُوں ازماوݨ کیتے پُچھیا تاں جو کہیں وجہ کنُوں اُوندے اُتے اِلزام لا سگنڑ۔ پر یسُوع جُھک تے آپنڑی انگل نال زمین اُتے کُجھ لِکھنڑ لگ پِیا۔

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

لُوقا 20:27

وَل صدوقی جیہڑے قیامت دے مُنکر ہَن، اُنہاں ءچوں کُجھ لوک اُوندے کولھ آئے تے پُچھنڑ لگے جو

لُوقا 20:23

یسُوع اُنہاں دی مکاری کُوں جانڑدے ہوئے اُنہاں کُوں آکھیا،

لُوقا 10:25

تے ڈیکھو شریعت دا ہِک عالم اُٹھیا تے ایہ آکھ تے یسُوع دی ازمائش کرݨ لگا جو ”اُستاد! مَیں کیا کراں جو ہمیشاں دی زندگی دا وارث بنڑاں؟“

مرقس 12:18

وَل صدوقیاں جیہڑے قیامت دے مُنکر ہَن، یسُوع دے کولھ آ تے اُونکُوں ایہ سوال کیتا جو

مرقس 12:15

یسُوع اُنہاں دی مکاری کُوں معلوم کر تے اُنہاں کُوں آکھیا، ”تُساں میکُوں کیوں پھساوݨ دی کوشش کریندے ہیوے؟ میڈے کولھ ہِک دینار گِھن آؤ جو مَیں ڈیکھاں۔“

مرقس 10:2

تے کُجھ فریسیاں کولھ آ تے اُونکُوں ازماوݨ کیتے پُچھیا، ”کیا بندے دا آپنڑی ذال کُوں چھوڑ ڈیوݨ جائز ہے؟“

متّی 27:62

اگلے ڈینہہ جیہڑا سبت دا ڈینہہ ہا، سردار کاہِناں تے فریسیاں رَل تے پِیلاطُس دے کولھ وَنج تے آکھیا،

متّی 23:2

”شریعت دے عالم تے فریسی مُوسیٰ دی گدّی اُتے بیٹھے ہِن۔

متّی 22:23

اُوں ڈینہہ صدوقی جیہڑے قیامت دے مُنکر ہَن اُوندے کولھ آئے تے اُوں کنُوں ایہ پُچھیا جو

متّی 22:18

یسُوع اُنہاں دی بُری نیّت معلوم کر تے آکھیا، ”منافقو! میکُوں کیوں ازمیندے ہیوے؟

متّی 22:15

وَل فریسی وَنج تے آپس ءچ صلاح کرݨ لگ پئے جو یسُوع کُوں گالھیں ءچ کِینویں پھساوݨ۔

متّی 19:3

کُجھ فریسی اُونکُوں ازماوݨ کیتے اُوندے کولھ آ تے آکھنڑ لگے، ”کیا بندے دا آپنڑی ذال کُوں کہیں وی وجہ کنُوں چھوڑ ڈیوݨ جائز ہے؟“

متّی 15:1

وَل فریسیاں تے شریعت دے عالماں یروشلیم تُوں یسُوع دے کولھ آ تے آکھیا،

متّی 12:14

وَل فریسی باہر چلے گئے تے اُوندے خلاف مشورہ کیتا جو اُونکُوں کِینویں ہلاک کرُوں۔

متّی 9:11

فریسیاں ایہ ڈِٹھا تاں اُوندے شاگرداں کُوں آکھیا، ”تُہاڈا اُستاد محصُول گِھننڑ آلیاں تے گُنہگاراں دے نال کیوں کھاندے؟“

متّی 5:20

کیوں جو مَیں تُہاکُوں سچ آدھا ہاں جو جے تُہاڈا نیک چال چلنڑ شریعت دے عالماں تے فریسیاں تُوں زیادہ نہ ہوسی تاں تُساں اسمان دی بادشاہی ءچ اصلُوں نہ وَنج سگسو۔