متّی 15:33 - کِتاب مُقدّس سرائیکی ترجمہ

³³ شاگرداں اُونکُوں آکھیا، ”اساں بیابان ءچ اِتی لوکاں کیتے روٹیاں کِتھوں گِھن آؤں جیہڑیاں سبھ کیتے پُوریاں تھیوݨ؟“

متّی دی راہِیں اِنجِیل سرائیکی بولی اِچ

³³ اَتے شاگِردئیں اُوں کنُوں پُچھیا، ”اِیں بَربیابان اِچ اَساں اِیں وَݙّی بھِیڑ کیتے اِتنی روٹیاں کِتھوں گھِن آؤں جو سارے رَڄ وَنڄن؟“

متّی 15:33 Referans Kwoze

لُوقا 9:13

یسُوع اُنہاں کُوں آکھیا، ”تُساں ای اِنہاں کُوں کھاوݨ کیتے ڈیؤ۔“ اُنہاں آکھیا، ”ساڈے کولھ صرف پنج روٹیاں تے ڈُو مچھیاں ہِن، پر کیا اساں وَنج تے اِنہاں ساریاں کیتے کھانڑا مُل گِھن آؤں!“

مرقس 6:37

پر اُوں اُنہاں کُوں جواب ءچ آکھیا، ”تُساں ای اِنہاں کُوں کھاوݨ کیتے ڈیؤ۔“ اُنہاں یسُوع کُوں آکھیا، ”کیا اساں وَنج تے اُنہاں کیتے ڈُو سو دینار دیاں روٹیاں مُل گِھن آؤں تے اُنہاں کُوں کھاوݨ کیتے ڈیؤں؟“

متّی 14:15

جِیں ویلے شام تھئی تاں شاگرد اُوندے کولھ آ تے آکھنڑ لگے جو ”ایہ جاہ ویران ہے تے دیر وی تھی گئی ہے۔ لوکاں کُوں رُخصت کر ڈیؤ تاں جو او وستیاں ءچ وَنج تے آپنڑے کیتے کھانڑا مُل گِھن سگن۔“

متّی 15:32

وَل یسُوع آپنڑے شاگرداں کُوں کولھ سڈ تے آکھیا، ”میکُوں اِیں بِھیڑ اُتے ترس آندے کیوں جو ایہ لوک ترے ڈینہہ تُوں مسلسل میڈے نال ہِن تے اُنہاں دے کولھ کھاوݨ کیتے کُجھ وی نئیں۔ تے مَیں اُنہاں کُوں بُکھا روانہ کرݨ نئیں چاہندا، کِتھائیں اِینویں نہ تھیوے جو رستے ءچ تھک تے رہ ونجنڑ۔“

متّی 15:34

یسُوع اُنہاں کُوں آکھیا، ”تُہاڈے کولھ کِتی روٹیاں ہِن؟“ اُنہاں آکھیا، ”سَت تے کُجھ چھوٹی مچھیاں ہِن۔“