متّی 14:36 - کِتاب مُقدّس سرائیکی ترجمہ

³⁶ او اُوندی مِنت کرݨ لگے جو اُوندی پُشاک دے کنارے کُوں ای ہتھ لا گِھننڑ، تے جئیں جئیں ہتھ لایا تندرُست تھی گِیا۔

متّی دی راہِیں اِنجِیل سرائیکی بولی اِچ

³⁶ اَتے اُنہیں یِسُوع دی مِنّت کیتی جو او اُنہیں دے بیماریں کُوں صرف اپݨے چولے دے پَلو کُوں ہَتھ لاوَݨ ݙیوے۔ اَتے جَیں وی اُوندے چولے کُوں ہَتھ لا گھِدا اُونکُوں شِفا مِل ڳئی۔

متّی 14:36 Referans Kwoze

لُوقا 6:19

سارے لوک اُونکُوں ہتھ لاوݨ دی کوشش کریندے ہَن کیوں جو اُوندے ءچوں قوت نِکلدی ہئی تے ساریاں کُوں شِفا بخشدی ہئی۔

مرقس 3:10

کیوں جو اُوں بہُوں لوکاں کُوں چنگا کیتا ہا اِیں واسطے جِتّی لوک سخت بیماریاں ءچ گرفتار ہَن، اُوندے اُتے ڈھاندے ہَن جو اُونکُوں ہتھ لا گِھننڑ۔

اعمال 3:16

یسُوع دے ناں اُتے اِیمان رکھنڑ نال اِیں بندے، جِینکُوں تُساں ڈیدھے تے جانڑدے ہیوے، شِفا پائی۔ اُوں اِیمان جیہڑا یسُوع دے وسیلے نال ہے اُونکُوں سبھ دے سامنڑے ایہ کامِل تندرُستی ڈِتی۔

یُوحنّا 7:23

جِیں ویلے سبت دے ڈینہہ بالاں دا ختنہ کیتا ویندے تاں جو مُوسیٰ دی شریعت نہ تروٹے، تاں تُساں مَیں کنُوں کیوں ناراض تھی گئے ہیوے جو مَیں ہِک بندے کُوں سبت دے ڈینہہ بالکل ٹھیک کر ڈِتے؟

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

متّی 14:35

تاں اُتھاں دے لوکاں اُونکُوں سُنجانڑ گِھدا تے آسُوں پاسُوں دے سارے علاقے ءچ خبر کر ڈِتی تے سبھ بیماراں کُوں اُوندے کولھ گِھن آئے۔

مرقس 6:56

تے وستیاں، شہراں تے دیہاتاں ءچ جِتھاں وی او ویندا ہا لوک بیماراں کُوں بازاراں ءچ رکھ ڈیندے ہَن تے اُوندی مِنت کریندے ہَن جو او اُنہاں کُوں صرف آپنڑے کپڑے کُوں ہتھ لاوݨ ڈیوے۔ تے جیہڑے اُونکُوں ہتھ لا گِھندے ہَن، ٹھیک تھی ویندے ہَن۔

مرقس 8:22

وَل او بیت صیدا ءچ آیا تے لوک ہِک اندھے کُوں اُوندے کولھ گِھن آئے تے اُوندی مِنت کیتی جو اُونکُوں ہتھ لاوے۔