متّی 14:3 - کِتاب مُقدّس سرائیکی ترجمہ

³ کیوں جو ہیرودیس یُوحنّا کُوں پکڑ تے بدھوایا تے قید خانے ءچ سٹوا ڈِتا ہا۔ اِیندی وجہ ہیرودیس دے بِھرا فِلپُس دی ذال ہیرودیاس ہئی۔

متّی دی راہِیں اِنجِیل سرائیکی بولی اِچ

³ اِیں کنُوں پہلے ہیرودیس اِنتپاس اپݨے بِھرا ہیرودیس فِلپس دی ذال ہیرودیاس دے آکھݨ تے یُوحنّا بپتِسمہ ݙیوَݨ آلے کُوں پکڑوا کرائیں جیل اِچ ڈَھکی پِیا ہا،

متّی 14:3 Referans Kwoze

مرقس 6:17

کیوں جو ہیرودیس بندے بھیج تے یُوحنّا کُوں پکڑوایا تے آپنڑے بِھرا فِلپُس دی ذال ہیرودیاس دے سببّوں اُونکُوں جیل ءچ بَدھ رکھیا ہا۔ کیوں جو ہیرودیس بادشاہ اُوندے نال شادی کر گِھدی ہئی،

متّی 4:12

جِیں ویلے یسُوع ایہ سُنڑیا جو یُوحنّا پکڑوا ڈِتا گئے تاں او گلیل دے علاقے دو وَل گِیا۔

مرقس 6:22

جِیں ویلے ہیرودیاس دی دِھی اندر آئی تے نَچ تے ہیرودیس تے اُوندے مہماناں کُوں خوش کیتا تاں بادشاہ اُوں چھوہیر کُوں آکھیا، ”منگ، تُوں جیہڑا کُجھ وی منگسیں مَیں تیکُوں ڈیساں۔“

مرقس 6:19

اِیں واسطے ہیرودیاس اُوندے نال دُشمنڑی رکھیندی ہئی تے اُونکُوں قتل کراوݨ چاہندی ہئی پر اِینویں نہ تھی سگیا،

متّی 11:2

تے یُوحنّا قید خانہ ءچوں مسیح دے کماں دے بارے ءچ سُنڑ تے آپنڑے شاگرداں دی معرفت اُونکُوں پُچھوا بھیجیا

لُوقا 13:1

اُوں ویلے کُجھ لوک اُتھاں موجود ہَن جِنہاں یسُوع کُوں اُنہاں گلیلیاں دے بارے ءچ ڈسایا، جِنہاں کُوں پِیلاطُس اُوں ویلے قتل کیتا جڈاں او قُربانیاں پیش کریندے پئے ہَن۔

متّی 14:6

پر جِیں ویلے ہیرودیس دی سالگرہ تھئی تاں ہیرودیاس دی دِھی محفل ءچ مہماناں دے سامنڑے نَچ تے ہیرودیس کُوں خوش کیتا۔

مرقس 6:14

ہیرودیس بادشاہ یسُوع دا ذِکر سُنڑیا کیوں جو اُوندا ناں مشہور تھی گِیا ہا۔ کُجھ لوکاں آدھے ہَن جو ”یُوحنّا بپتسمہ ڈیوݨ آلا مُردیاں ءچوں زندہ تھی گئے، اِیں واسطے او معجزے ڈکھیندے۔“

مرقس 8:15

یسُوع اُنہاں کُوں حُکم ڈِتا جو ”خبردار فریسیاں دے خمیر تے ہیرودیس دے خمیر کنُوں ہوشیار رہوائے۔“

لُوقا 3:1

رومی بادشاہ تِبرِیُس قیصر دی حکُومت دے پندھرویں سال جِیں ویلے پنطیُس پِیلاطُس یہُودیہ دا گورنر ہا، تے ہیرودیس گلیل دا تے اُوندا بِھرا فِلپُس اِتُوریہ تے ترخونیتِس دا تے لِسانیاس اَبِلینے دا حاکم ہا،

لُوقا 8:3

تے یُوأنہ ہیرودیس دے مُنشی خُوزہ دی ذال، تے سُوسنّاہ۔ تے کئی بئیاں عورتاں وی نال ہَن جیہڑیاں آپنڑے مال نال اُوندی خدمت کریندیاں ہَن۔

لُوقا 13:31

اُونہی ویلے کُجھ فریسیاں آ تے اُونکُوں آکھیا جو ”اِتُھوں کنُوں نِکل تے کہیں بئے پاسے چلیا وَنج کیوں جو ہیرودیس تیکُوں قتل کرݨ چاہندے۔“

لُوقا 23:7

تے جِینویں ای اُونکُوں معلوم تھیّا جو او ہیرودیس دے علاقہ دا ہے تاں اُونکُوں ہیرودیس دے کولھ بھیجیا کیوں جو او اُنہاں ڈینہاں ءچ خود وی یروشلیم ءچ ہا۔

لُوقا 23:11

وَل ہیرودیس آپنڑے سپاہیاں دے نال رَل تے اُونکُوں ذلیل کیتا تے اُوندا مذاق اُڈایا، تے ہِک چمکنڑاں چوغہ پوا تے اُونکُوں پِیلاطُس دے کولھ واپس بھیج ڈِتا۔

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

اعمال 12:1

اُنہاں ڈینہاں ءچ ہیرودیس بادشاہ کلیسیا دے کُجھ لوکاں کُوں گرفتار کیتا تاں جو اُنہاں کُوں تکلیف ڈیوے