متّی 13:47 - کِتاب مُقدّس سرائیکی ترجمہ

⁴⁷ وَل اسمان دی بادشاہی اُوں وڈے جال وانگُوں ہے جیہڑا جھیل ءچ سٹیا گِیا تے اُوں ہر قِسم دیاں مچھیاں کٹھیاں کر گِھدیاں۔

متّی دی راہِیں اِنجِیل سرائیکی بولی اِچ

⁴⁷ یِسُوع ہِک ٻئی مثال سُݨائی، ”اَسمان دی بادشاہی اِیویں ہے جو ہِک وَݙّا ڄال ہَئی جَینکُوں جھیل اِچ سَٹیا ڳیا تاں ہر قِسم دیاں مچھیاں ڄال اِچ آ ڳئیاں۔

متّی 13:47 Referans Kwoze

یُوحنّا 15:6

جے کوئی میڈے ءچ قائم نہ راہوے تاں او ٹاہنڑی وانگُوں سَٹ ڈِتا ویندے تے سُک ویندے، تے لوک اُنہاں کُوں کٹھا کر تے بھاہ ءچ سَٹ ڈیندے ہِن تے او سڑ ویندیاں ہِن۔

مُکاشفہ 3:1

سردِیس دی کلیسیا دے فرشتہ کُوں لِکھ جو جیندے کولھ خُدا دیاں سَت رُوحاں تے سَت تارے ہِن، او ایہ فرمیندے جو ”مَیں تیڈے کماں کُوں جانڑدا ہاں۔ تُوں زندہ اکھویندا ہیں، پر ہیں مُردہ۔

مرقس 1:17

یسُوع اُنہاں کُوں آکھیا، ”میڈے پِچُھوں آؤ تے مَیں تُہاکُوں خُدا کیتے بندے پکڑن آلا بنڑیساں۔“

گلتِیوں 2:4

ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔

اعمال 20:30

بلکہ تُہاڈے ءچوں ای ایجھے لوک اُٹھسن جیہڑے حق کُوں تروڑ مروڑ تے پیش کریسن تاں جو شاگرداں کُوں آپنڑے پاسے چھیک گِھننڑ۔

لُوقا 5:10

تے اِیہو حال زبدی دے پوتراں یعقُوب تے یُوحنّا دا ہا جیہڑے شمعون دے ساتھی ہَن۔ یسُوع شمعون کُوں آکھیا، ”ڈر نہ۔ ہُنڑ کنُوں تُوں خُدا کیتے بندیاں کُوں پکڑیسیں۔“

متّی 4:19

تے اُنہاں کُوں آکھیا، ”میڈے پِچُھوں آؤ تے مَیں تُہاکُوں خُدا کیتے بندے پکڑن آلا بنڑیساں۔“

1کُرِنتھِیوں 11:19

تُہاڈے ءچ تفرقے دا ہووݨ ضرور ہے تاں جو ظاہر تھی ونجے جو تُہاڈے ءچ کیہڑے لوک سچے ہِن۔

یُوحنّا 15:2

جیہڑی ٹاہنڑی میڈے ءچ ہے پر پھل نئیں ڈیندی اُونکُوں او کپ سٹیندے، تے جیہڑی پھل ڈیندی ہے اُونکُوں او چھنڈیندے تاں جو او زیادہ پھل ڈیوے۔

متّی 13:44

اسمان دی بادشاہی رَڑھ ءچ لُکے اُوں خزانے وانگُوں ہے جیہڑا ہِک بندے کُوں مِل گِیا تے اُوں ولا لُکا ڈِتا، وَل او خوشی خوشی گِیا تے آپنڑاں سبھ کُجھ ویچ تے اُوں رَڑھ کُوں مُل گِھن گِھدا۔

متّی 13:46

جِیں ویلے اُونکُوں ہِک بہُوں قیمتی موتی مِلیا تاں اُوں وَنج تے آپنڑاں سبھ کُجھ ویچ ڈِتا تے اُونکُوں مُل گِھن گِھدا۔

متّی 13:48

جِیں ویلے بھر گِیا تاں مچھیرے اُونکُوں چھیک تے کنارے اُتے گِھن آئے تے بہہ تے چنگیاں چنگیاں مچھیاں تھانواں ءچ جمع کر گِھدیاں تے جیہڑیاں خراب ہَن سَٹ ڈِتیاں۔