متّی 13:25 - کِتاب مُقدّس سرائیکی ترجمہ

²⁵ پر جِیں ویلے لوک سُتے پئے ہَن تاں اُوندا دُشمنڑ آیا تے کنڑک ءچ کڑوے دانڑے دا بیج رَہا گِیا۔

متّی دی راہِیں اِنجِیل سرائیکی بولی اِچ

²⁵ پَر جݙّاں لوک سُتے پئے ہَن تاں اُوندا دُشمن آیا اَتے کݨک اِچ کَوڑے داݨیں دا بیج رَہا ڳیا۔

متّی 13:25 Referans Kwoze

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

2 پطرس 2:1

پر جِینویں بنی اِسرائیل ءچ کُوڑے نبی وی ہَن، اُونویں ای تُہاڈے ءچ وی کُوڑے اُستاد ہوسن۔ او چلاکی نال ہلاک کرݨ آلیاں بِدعتاں کِھنڈیسن، بلکہ آپنڑے اُوں مالک دا اِنکار کریسن جئیں اُنہاں کُوں مُل گِھدا ہا۔ ایجھے کماں نال او آپنڑے اُتے جلد ہلاکت گِھن آسن۔

متّی 13:39

دُشمنڑ جئیں اُنہاں کُوں رہایا ابلیس ہے تے کٹائی دُنیا دا آخر ہے تے کٹائی کرݨ آلے فرشتے ہِن۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

عبرانیوں 12:15

دھیان کرو جو کوئی بندہ خُدا دے فضل کنُوں محروم نہ رہ ونجے، اِینویں نہ تھیوے جو کوئی بندہ کڑوی جڑھ آلی کار پُھٹ تے تُہاکُوں تکلیف ڈیوے تے بہُوں سارے لوکاں کُوں وِگاڑ ڈیوے۔

متّی 25:5

جِیں ویلے گھوٹ دے آوݨ ءچ دیر تھی گئی تاں سبھ ہنگلاوݨ لگیاں تے سَم گئیاں۔

گلتِیوں 2:4

ایہ مسئلہ اُنہاں کُوڑے مسیحی بِھرانواں دی طرفوں بنڑیا، جیہڑے چُپ چپیتے ساڈے وچال وڑ آئے ہَن تاں جو جاسُوسی کر تے اُوں ازادی کُوں جاݨ سگنڑ جیہڑی مسیح یسُوع ءچ ساکُوں حاصل تھئی ہئی تے ساکُوں ولا غُلامی ءچ گِھن آوݨ۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

مُکاشفہ 13:14

اُنہاں کرِشمیاں دے ذریعے جیہڑے اُونکُوں اُوں پہلے حیوان دی خاطر ڈِکھاوݨ دا اِختیار ڈِتا گِیا ہا، او زمین آلیاں کُوں گُمراہ کریندا ہا۔ تے اُنہاں کُوں حُکم ڈیندا ہا جو اُوں حیوان دا بُت بنڑاؤ جِینکُوں تلوار نال ہلاک کرݨ آلا زخم لگیا ہا پر وَل وی او زندہ ہے۔

متّی 13:24

اُوں اُنہاں کُوں ہِک بئی مثال سُنڑائی جو ”اسمان دی بادشاہی اُوں بندے وانگُوں ہے جئیں آپنڑی رَڑھ ءچ چنگا بیج رہایا۔

متّی 13:26

بس جیہڑے ویلے پتے تے سِٹے نِکلے تاں او کڑوے دانڑے ظاہر تھی گئے۔

متّی 13:27

مالک دے نوکراں آ تے اُونکُوں آکھیا، ’کیا تُساں آپنڑی رَڑھ ءچ چنگا بیج نہ رہایا ہا؟ وَل ایہ کڑوے دانڑے کِتھوں آ گئے؟‘

متّی 13:29

پر اُوں آکھیا، ’نہ، اِینویں نہ تھیوے جو اُنہاں کُوں پٹیندے ہوئے تُساں کنڑک کُوں وی پَٹ ڈیؤ۔

متّی 13:30

فصل دی کٹائی تئیں ڈوہائیں کُوں کٹھے ودھنڑ ڈیؤ تے کٹائی دے ویلے مَیں کٹائی کرݨ آلیاں کُوں آکھ ڈیساں جو پہلے کڑوے دانڑیاں کُوں جمع کر گِھنو تے ساڑن کیتے اُنہاں دے گٹھے بَدھ ڈیؤ تے کنڑک کُوں میڈے گوداماں ءچ جمع کر ڈیؤ‘۔“