متّی 13:21 - کِتاب مُقدّس سرائیکی ترجمہ

²¹ پر او اُوندے ءچ جڑھ نئیں پکڑیندا تے دیر تئیں قائم نئیں راہندا۔ جِیں ویلے کلام دے سببّوں مُصیبت یا ظلم آندے تاں فوراً ٹھوکر کھاندے۔

متّی دی راہِیں اِنجِیل سرائیکی بولی اِچ

²¹ اُنہیں اِچ تعلیم دی پاڑ نَئیِں پھَپھَڑدی اِیں کیتے او ڈھیر عرصہ تعلیم اُتے قائم نَئیِں رَہندے اَتے جݙّاں کُوئی مُصیبت یا ݙُکھ دا شکار تھِیندِن تاں او گُمراہ تھی کرائیں اِیمان کنُوں پِھر ویندِن۔

متّی 13:21 Referans Kwoze

متّی 11:6

مُبارک ہے او جیہڑا میڈی وجہ کنُوں ٹھوکر نہ کھاوے۔“

اِفِسیوں 3:17

تے تُہاڈے اِیمان دے وسیلے نال مسیح تُہاڈے دِلاں ءچ راہوے۔ مَیں ایہ وی دُعا کریندا ہاں جو تُساں محبت ءچ جڑھ پکڑ تے، تے محبت دی بنیاد اُتے قائم تھی تے

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

فِلِپّیوں 1:6

تے میکُوں اِیں گالھ دا یقین ہے جو خُدا، جئیں تُساں لوکاں ءچ نیک کم شروع کیتے، او اُونکُوں یسُوع مسیح دے واپس آوݨ دے ڈینہہ تئیں پُورا کر ڈیسی۔

گلتِیوں 6:15

کیوں جو ختنہ کراوݨ یا نہ کراوݨ دی کوئی اہمیت نئیں، بلکہ صرف نویں سرے تُوں پیدا تھیوݨ دی ہے۔

گلتِیوں 6:12

جیہڑے لوک ڈُوجھیاں دے سامنڑے آپنڑے آپ کُوں چنگا ڈِکھاوݨ چاہندے ہِن، او تُہاکُوں ختنہ کراوݨ اُتے مجبور کرݨ دی کوشش کریندے ہِن۔ پر اُنہاں دا مقصد صرف ایہ ہے جو مسیح دی صلیبی موت دے پیغام دی وجہ کنُوں ستائے نہ ونجنڑ۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

یُوحنّا 6:26

یسُوع جواب ڈِتا، ”مَیں تُہاکُوں سچ آدھا ہاں جو تُساں میکُوں اِیں واسطے نئیں گولھیندے جو میڈے معجزے ڈِٹھے بلکہ اِیں واسطے جو تُہاکُوں پیٹ بھر تے کھاوݨ کُوں روٹیاں مِلیا ہَن۔

لُوقا 8:13

تے پتھریلی زمین آلے او ہِن جیہڑے کلام کُوں سُنڑ تے اُونکُوں خوشی نال قبول تاں کریندے ہِن پر جڑھ نئیں رکھیندے۔ اِیں واسطے کُجھ عرصہ تئیں اِیمان رکھ تے ازمائش دے ویلے پِھر ویندے ہِن۔

مرقس 4:17

پر آپنڑے اندر جڑھ نہ رکھنڑ پارُوں دیر تئیں قائم نئیں راہندے تے جِیں ویلے کلام دے سببّوں مُصیبت یا تنگی آندی ہے تاں فوراً ٹھوکر کھاندے ہِن۔

متّی 26:33

پطرس جواب ڈِتا، ”بھانویں تُہاڈی وجہ کنُوں سبھ تُھڈا کھا تے تُہاکُوں چھوڑ ڈیوݨ، پر مَیں کڈھائیں تُہاکُوں نہ چُھڑیساں۔“

متّی 26:31

وَل یسُوع شاگرداں کُوں آکھیا، ”تُساں سارے اِیں رات میڈی وجہ کنُوں تُھڈا کھاسو کیوں جو کلام ءچ لِکھیا ہے جو ’مَیں آجڑی کُوں مریساں تے اِجڑ دیاں بھیڈاں کِھنڈ ویسن۔‘

متّی 24:13

پر جیہڑا آخر تئیں برداشت کریسی اُوہو نجات پیسی۔

متّی 13:57

اُنہاں اُوندی وجہ کنُوں ٹھوکر کھادی۔ پر یسُوع اُنہاں کُوں آکھیا جو ”نبی دی بےقدری اُوندے آپنڑے وطن تے رشتے داراں دے سوا بِیا کِتھائیں نئیں تھیندی۔“

متّی 13:6

پر جِیں ویلے سِجھ نِکلیا تاں پودے سڑ گئے تے کیوں جو او جڑھ نہ پکڑ سگے، اِیں واسطے سُک گئے۔

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

1 پطرس 1:5

خُدا آپنڑی قُدرت دے ذریعے تے تُہاڈے اِیمان دے وسیلہ نال تُہاڈی حفاظت کریندا راہسی جئیں تئیں تُہاکُوں او نجات نہ مِل ونجے جیہڑی آخرت ءچ ظاہر تھیوݨ آلی ہے۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

مُکاشفہ 2:13

”مَیں جانڑدا ہاں جو جِتھاں تُوں راہندیں اُتھاں شیطان دا تخت ہے، پر وَل وی تُوں میڈے ناں نال وفادار ریہا ہیں۔ تے اُنہاں ڈینہاں ءچ وی جِیں ویلے میڈا سچا گواہ اِنتپاس تیڈے شہر ءچ شہید کیتا گِیا جِتھاں شیطان راہندے، اُوں ویلے وی تَیں میڈے اُتے اِیمان رکھنڑ تُوں اِنکار نئیں کیتا۔

متّی 13:20

جیہڑا پتھریلی زمین اُتے رہایا گِیا ہا اُوں بندے وانگُوں ہے جیہڑا کلام کُوں سُنڑدے ای خوشی نال قبول کر گِھندے۔

یعقُوب 3:2

اِیں واسطے جو اساں سبھ بہُوں ساریاں غلطیاں کریندے ہیں۔ کامِل بندہ او ہے جیہڑا آپنڑی کہیں گالھ ءچ خطا نئیں کریندا۔ ایجھا بندہ آپنڑے سارے بدن کُوں وی قابو ءچ رکھ سگدے۔