متّی 13:15 - کِتاب مُقدّس سرائیکی ترجمہ

¹⁵ کیوں جو اِیں اُمت دے دل اُتے چربی چڑھ گئی ہے تے او کَناں کنُوں اُچا سُنڑدے ہِن تے اُنہاں آپنڑے اکھیں بند کر گِھدیاں ہِن کِتھائیں اِینویں نہ تھیوے جو او اکھیں کنُوں ڈیکھنڑ تے کَناں نال سُنڑݨ دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

متّی دی راہِیں اِنجِیل سرائیکی بولی اِچ

¹⁵ کیوں جو اِیں اُمّت دا دِل بےحِس تھی ڳئے۔ اَتے او مُشکل نال اپݨے کَنیں کنُوں سُݨدِن اَتے اُنہیں اپݨی اَکھیں کُوں بند کیتا ہوئے جو اِیویں نہ تِھیوے جو او اپݨی اَکھیں کنُوں ݙیکھݨ اَتے کَنیں کنُوں سُنݨ اَتے دِل کنُوں سمجھݨ اَتے میݙے کولھ وَل آوَݨ تاں جو مَیں اُنہیں کُوں شِفا بَخشاں۔‘

متّی 13:15 Referans Kwoze

مرقس 4:12

’او ڈیکھسن تاں سہی پر جاݨ نہ سگسن تے سُنڑسن تاں سہی پر سمجھ نہ سگسن اِینویں نہ تھیوے جو او میڈے دو رجُوع گِھن آوݨ تے معافی پاوݨ‘۔“

عبرانیوں 5:11

اِیندے بارے ءچ ساکُوں مزید بہُوں کُجھ آکھنڑا ہے پر تُہاکُوں سمجھاونڑا مُشکل ہے، کیوں جو تُساں ڈورے ہیوے۔

2 تِیمُتھِیُس 4:4

او سچائی سُنڑݨ تُوں آپنڑے کَن پھیر گِھنسن تے فرضی کہانڑیاں دو توجہ ڈیسن۔

اعمال 7:57

ایہ سُنڑ تے اُنہاں وڈے زور نال چیخ تے آپنڑے کَن بند کر گِھدے تے کٹھے تھی تے اُوندے اُتے جھپٹے۔

مُکاشفہ 22:2

شہر دی وڈی سڑک دے اَدھ ءچوں واہندا ہا۔ اُوں دریا دے ڈوہائیں پاسُوں حیات دا درخت ہا۔ او درخت پھلاں دیاں بارہاں فصلاں ڈیندا ہا یعنی ہر مہینہ پھل ڈیندا ہا تے اُوندے پتیاں کنُوں قوماں کُوں شِفا مِلدی ہئی۔

اعمال 3:19

بس توبہ کرو تے رجُوع گِھن آؤ تاں جو تُہاڈے گُناہ مِٹائے ونجنڑ تے خُداوند دی طرفوں تُہاڈے کیتے رُوحانی تازگی دا وقت آوے،

لُوقا 19:42

”کاش جو تُوں اَج دے ڈینہہ جانڑ گِھندی جو تیڈی سلامتی کیندے ءچ ہے۔ پر ہُنڑ او تیڈے اکھیں کنُوں اوڈھر تھی گئیاں ہِن۔

اعمال 28:27

کیوں جو اِیں قوم دے دل اُتے چربی چڑھ گئی ہے۔ او اُچا سُنڑݨ لگے ہِن تے اُنہاں آپنڑے اکھیں بند کر گِھدیاں ہِن۔ کِتھائیں اِینویں نہ تھیوے جو او اکھیں کنُوں ڈیکھنڑ، تے کَناں نال سُنڑݨ، دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘