متّی 12:41 - کِتاب مُقدّس سرائیکی ترجمہ

⁴¹ نِینوہ دے لوک عدالت دے ڈینہہ اِیں زمانے دے لوکاں نال کھڑ تے اُنہاں کُوں مُجرم کھڑیسن کیوں جو اُنہاں یُوناہ دی تبلیغ دی وجہ کنُوں توبہ کر گِھدی ہئی تے ڈیکھو اِتھاں او ہے جیہڑا یُوناہ کنُوں وی وڈا ہے۔

متّی دی راہِیں اِنجِیل سرائیکی بولی اِچ

⁴¹ مَحشر دے ݙینہہ نِینوہ شہر دے لوک کھڑے تھِیسن اَتے اِیں پیڑھی دے لوکیں کُوں قصُور‌وار آکھسِن کیوں جو یُوناہ نبی دا پرچار سُݨ کرائیں اُنہیں اپݨے گُناہیں کنُوں توباں کیتی ہَئی پَر اِتھاں او ہے جیرھا یُوناہ نبی کنُوں وی ٻَہُوں عظیم ہے۔

متّی 12:41 Referans Kwoze

متّی 12:42

جنُوب دی ملکہ عدالت دے ڈینہہ اِیں زمانے دے لوکاں نال کھڑ تے اُنہاں کُوں مُجرم کھڑیسی۔ کیوں جو او بہُوں دُور کنُوں سُلیمان دی حِکمت سُنڑݨ کیتے آئی ہئی تے ڈیکھو اِتھاں او ہے جیہڑا سُلیمان کنُوں وی وڈا ہے۔

عبرانیوں 11:7

اِیمان دی وجہ کنُوں ای نُوح اُنہاں چیزاں دے بارے ءچ جیہڑیاں اُوں وقت تئیں نظر نہ آندیاں ہَن، خُدا دی طرفوں ہدایت پا تے خُدا دا خوف منیندے ہوئے آپنڑے سارے خاندان کُوں بچاوݨ کیتے کشتی بنڑائی۔ اِینویں اِیمان رکھنڑ نال اُوں دُنیا کُوں قصُوروار بنڑایا تے اُوں راستبازی دا وارث بنڑ گِیا جیہڑی اِیمان نال مِلدی ہے۔

رومیوں 2:27

بلکہ کیا او جِیندا ختنہ نہ تھیّا ہووے پر شریعت اُتے عمل کریندے، تیکُوں جِیندا ختنہ تھیّا تے جیندے کولھ شریعت ہے، پر اُوندے اُتے عمل نئیں کریندا، قصُوروار نہ کھڑیسی؟

یُوحنّا 3:31

جیہڑا اسمان تُوں آندے او سبھ کنُوں اُچا ہے۔ جیہڑا بندہ زمین کنُوں ہے او زمینی ہے تے زمین دے گالھیں کریندے۔ جیہڑا اسمان کنُوں آندے، او ساریاں کنُوں اُچا ہے۔

متّی 12:6

مَیں تُہاکُوں آدھا ہاں جو اِتھاں او ہے جیہڑا ہیکل کنُوں وی وڈا ہے۔

یُوحنّا 4:12

کیا تُساں ساڈے پِیُو یعقُوب کنُوں وی وڈے ہیوے جئیں ایہ کُھوہ ساکُوں ڈِتا تے خود اُوں تے اُوندے پوتراں تے اُوندے ڈھورڈنگراں اُوندے ءچوں پِیتا؟“

لُوقا 11:32

نِینوہ دے لوک عدالت دے ڈینہہ اِیں زمانے دے لوکاں نال کھڑ تے اُنہاں کُوں مُجرم کھڑیسن کیوں جو اُنہاں یُوناہ دی تبلیغ دی وجہ کنُوں توبہ کر گِھدی ہئی، تے ڈیکھو اِتھاں او ہے جیہڑا یُوناہ کنُوں وی وڈا ہے۔

متّی 23:36

مَیں تُہاکُوں سچ آدھا ہاں جو اِیں زمانے دے لوکاں کُوں اِنہاں سارے گالھیں دا ذمہ دار کھڑایا ویسی۔

متّی 17:17

یسُوع جواب ءچ آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

متّی 16:4

اِیں زمانے دے بدکار تے زِنا کار لوک نشان منگدے ہِن پر اُنہاں کُوں یُوناہ دے نشان دے علاوہ بِیا کوئی نشان نہ ڈِتا ویسی۔“ تے او اُنہاں کُوں چھوڑ تے چلا گِیا۔

متّی 12:45

وَل او وَنج تے آپنڑے کنُوں وی بدتر سَت بئیاں بدرُوحاں کُوں نال گِھن آندی ہے تے او اندر وَنج تے راہنڑ لگدیاں ہِن تے اُوں بندے دا حال پہلے کنُوں وی بُرا تھی ویندے۔ اِیں زمانے دے بُرے لوکاں دا حال وی ایجھا ای ہوسی۔“

متّی 12:39

اُوں جواب ڈے تے آکھیا، ”اِیں زمانے دے بُرے تے زِناکار لوک نشان ڈیکھنڑ چاہندے ہِن پر یُوناہ نبی دے نشان دے علاوہ بِیا کوئی نشان اُنہاں کُوں نہ ڈِتا ویسی۔