متّی 12:36 - کِتاب مُقدّس سرائیکی ترجمہ

³⁶ تے مَیں تُہاکُوں آدھا ہاں جو عدالت دے ڈینہہ لوکاں کُوں ہر نکمی گالھ دا حساب ڈیونڑاں پوسی۔

متّی دی راہِیں اِنجِیل سرائیکی بولی اِچ

³⁶ مَیں تُہاکُوں اَہداں جو مَحشر دے ݙینہہ ہر بندے کُوں کیتی ڳئی ہر فضُول ڳالھ دا حساب ݙیوَݨا پوسی۔

متّی 12:36 Referans Kwoze

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

مُکاشفہ 20:12

تے مَیں چھوٹے وڈے سارے مُردیاں کُوں تخت دے سامنڑے کھڑے ڈِٹھا تے کتاباں کھولیاں گئیاں۔ وَل ہِک بئی کتاب وی کھولی گئی جیہڑی کتاب ِ حیات ہے۔ تے ساریاں مُردیاں دی عدالت اُنہاں دے اعمال دے مطابق کیتی گئی جیہڑے اُنہاں کتاباں ءچ لِکھے ہَن۔

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔

متّی 11:22

پر مَیں تُہاکُوں آدھا ہاں جو عدالت دے ڈینہہ صور تے صیدا دا حال تُہاڈے حال کنُوں زیادہ برداشت دے لائق ہوسی۔

متّی 12:37

کیوں جو تُساں آپنڑے گالھیں دی وجہ کنُوں راستباز یا قصُوروار کھڑائے ویسو۔“

رومیوں 14:12

بس ساڈے ءچوں ہر ہِک کُوں خُدا دے سامنڑے آپنڑا حساب ڈیونڑا پوسی۔

یعقُوب 3:6

زبان وی ہِک بھاہ ہے۔ او باقی انگاں دے وچال رہ تے آپنڑے اندر بُرائی دی ہِک دُنیا رکھی پئی ہے۔ زبان ساڈا او اَنگ ہے جیہڑا سارے جِسم کُوں وِگاڑ ڈیندے تے اِنسان دی ساری زندگی کُوں ساڑ ڈیندے کیوں جو او خود دوزخ دی بھاہ نال بلدا راہندے۔