متّی 12:35 - کِتاب مُقدّس سرائیکی ترجمہ

³⁵ چنگا بندہ آپنڑے دل دے چنگے خزانے ءچوں چنگیاں چیزاں کڈھیندے تے بُرا بندہ بُرے خزانے ءچوں بُریاں چیزاں کڈھیندے۔

متّی دی راہِیں اِنجِیل سرائیکی بولی اِچ

³⁵ چَنڳے بندے دا دِل چَنڳے خزانے وانگوں ہے جِتھوں چَنڳیاں شئیں نِکلدِن اَتے بُرے بندے دا دِل بُرے خزانے وانگوں ہے جِتھوں بُریاں شئیں نِکلدِن۔

متّی 12:35 Referans Kwoze

کلُسِّیوں 4:6

تُہاڈی گُفتگو ایجھی فضل نال بھری تے سوہنڑی ہووے، جو تُہاکُوں ہر بندہ کُوں مناسب جواب ڈیونڑ آ ونجے۔

کلُسِّیوں 3:16

مسیح دے کلام کُوں آپنڑے دِلاں ءچ مکمل طور تے وسنڑ ڈیؤ تے کمال حِکمت دے نال ہِک ڈُوجھے کُوں تعلیم ڈیؤ تے نصیحت کرو۔ تے آپنڑے دِلاں ءچ شُکرگزاری کریندے ہوئے خُدا کیتے زبُور، حمد تے رُوحانی گیت گاؤ۔

متّی 12:34

نانگ دے بالو! تُساں بُرے تھی تے کِینویں چنگے گالھیں آکھ سگدے ہیوے؟ کیوں جو جیہڑا دل ءچ ہوندے اُوہو زبان اُتے آندے۔

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

متّی 13:52

یسُوع اُنہاں کُوں آکھیا، ”اِیں واسطے ہر شریعت دا عالم جیہڑا اسمان دی بادشاہی دا شاگرد بنڑیا ہے اُوں گھر دے مالک وانگُوں ہے جیہڑا آپنڑے خزانے ءچوں نوِیاں تے پُرانڑیاں چیزاں کڈھیندے۔“

متّی 7:17

اِینویں ای ہر چنگا درخت چنگا پھل تے ہر بُرا درخت بُرا پھل چیندے۔

لُوقا 6:45

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔