متّی 12:34 - کِتاب مُقدّس سرائیکی ترجمہ

³⁴ نانگ دے بالو! تُساں بُرے تھی تے کِینویں چنگے گالھیں آکھ سگدے ہیوے؟ کیوں جو جیہڑا دل ءچ ہوندے اُوہو زبان اُتے آندے۔

متّی دی راہِیں اِنجِیل سرائیکی بولی اِچ

³⁴ اَے نانگیں وانگوں اَتے بُرے لوکو! تُساں سارے وَل کیویں چَنڳی ڳالھ آکھ سڳدو؟ تُہاݙے دِل اِچ جیرھیاں ڳالھیں ہِن اُوہو تُہاݙی زبان تے اَندِن۔

متّی 12:34 Referans Kwoze

لُوقا 6:45

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے، تے بُرا بندہ بُرے خزانے ءچوں بُریاں چیزاں کڈھیندے، کیوں جو جیہڑا دل ءچ بھریا ہوندے اُوہو اُوندے مُنہ اُتے آندے۔

متّی 15:18

پر جیہڑے گالھیں مُنہ ءچوں نِکلدیاں ہِن او دل ءچوں نِکلدیاں ہِن تے اُوہو بندے کُوں ناپاک کریندیاں ہِن۔

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

1 یُوحنّا 3:10

اِتُھوں پتہ چلدے جو کیہڑے خُدا دے فرزند ہِن تے کیہڑے ابلیس دے۔ جیہڑا نیک کم نئیں کریندا تے آپنڑے بِھرانواں نال محبت نئیں رکھیندا، او خُدا دا بندہ کائنی۔

متّی 12:35

چنگا بندہ آپنڑے دل دے چنگے خزانے ءچوں چنگیاں چیزاں کڈھیندے تے بُرا بندہ بُرے خزانے ءچوں بُریاں چیزاں کڈھیندے۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

متّی 23:33

سَپو! نانگ دے بالو! تُساں دوزخ دی سزا کنُوں کِینویں بچسو؟

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

لُوقا 3:7

بس جیہڑے لوک یُوحنّا تُوں بپتسمہ گِھننڑ کیتے آندے ہَن او اُنہاں کُوں آدھا ہا، ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

اِفِسیوں 5:4

تے نہ ای شرم آلے گالھیں، بَک بَک یا گندے گالھیں ہووݨ، کیوں جو ایہ مناسب نئیں بلکہ تُہاڈی زبان اُتے شُکرگزاری ہووے۔

یعقُوب 3:2

اِیں واسطے جو اساں سبھ بہُوں ساریاں غلطیاں کریندے ہیں۔ کامِل بندہ او ہے جیہڑا آپنڑی کہیں گالھ ءچ خطا نئیں کریندا۔ ایجھا بندہ آپنڑے سارے بدن کُوں وی قابو ءچ رکھ سگدے۔