متّی 12:31 - کِتاب مُقدّس سرائیکی ترجمہ

³¹ اِیں واسطے مَیں تُہاکُوں آدھا ہاں جو آدمیاں دا ہر گُناہ تے کُفر معاف کیتا ویسی پر جیہڑا کُفر رُوح القُدس دے خلاف ہوسی او بخشیا نہ ویسی۔

متّی دی راہِیں اِنجِیل سرائیکی بولی اِچ

³¹ اِیں کیتے مَیں تُہاکُوں ݙسینداں جو بندے دا ہر گُناہ اَتے بُریاں ڳالھیں مُعاف کیتیاں ویسن پَر خُدا دے پاک‌رُوح بارے ٻولیا ڳیا کُفر مُعاف نہ کیتا ویسی۔

متّی 12:31 Referans Kwoze

لُوقا 12:10

تے جیہڑا کوئی اِبنِ آدم دے خلاف کوئی گالھ کریسی اُونکُوں معاف کیتا ویسی۔ پر جیہڑا رُوح القُدس دے خلاف کُفر بکے اُونکُوں معاف نہ کیتا ویسی۔

عبرانیوں 10:29

تاں او بندہ کِتنی وڈی سزا دے لائق ہوسی جئیں خُدا دے پوتر دی توہین کیتی تے عہد قائم کرݨ آلے خون کُوں جیندے نال او پاک تھیّا ہا، ناپاک سمجھیا، تے فضل ڈیوݨ آلے رُوح القُدس دی بے عزتی کیتی۔

عبرانیوں 10:26

کیوں جو جے اساں حق دی پچھاݨ کرݨ تُوں بعد جاݨ بُجھ تے گُناہ کریندے راہوں تاں گُناہاں تُوں پاک کرݨ دی کوئی بئی قُربانی باقی نئیں۔

اعمال 7:51

ضِدی لوکو، تُساں دل تُوں تے کَن تُوں اُنہاں آلی کار ہیوے جِنہاں دا ختنہ نہ تھیّا ہووے، تُساں رُوح القُدس دی ہمیشاں مخالفت کریندے ہیوے جِینویں تُہاڈے پِیُو ڈاڈا کریندے ہَن۔

1 یُوحنّا 5:16

جے کوئی آپنڑے بِھرا کُوں ایجھا گُناہ کریندے ڈیکھے جِیندا انجام موت نئیں تاں دُعا کرے تے خُدا اُونکُوں زندگی بخشیسی یعنی اُوں بندے کُوں جئیں ایجھا گُناہ نئیں کیتا، جِیندا انجام موت ہووے۔ گُناہ ایجھا وی ہوندے جیہڑا موت گِھن آندے۔ مَیں ایہ نئیں آدھا جو ایجھا گُناہ کرݨ آلے بندے دے بارے ءچ دُعا کرو۔

1 یُوحنّا 1:9

پر جے اساں آپنڑے گُناہاں دا اِقرار کرُوں تاں او ساڈے گُناہ معاف کرݨ تے ساکُوں بُرائی کنُوں پاک کرݨ ءچ وفادار تے عادل ہے۔

عبرانیوں 6:4

او لوک جِنہاں دے دل ہِک پھیری روشن تھی گئے ہِن تے جِنہاں اسمانی نعمت دا مزہ چَکھ گِھدے، جِنہاں کُوں رُوح القُدس مِلیا ہے،