متّی 12:28 - کِتاب مُقدّس سرائیکی ترجمہ

²⁸ پر جے مَیں خُدا دی رُوح دی مدد نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

متّی دی راہِیں اِنجِیل سرائیکی بولی اِچ

²⁸ مَیں خُدا دے رُوح دی مدد نال بَد‌رُوحیں کُوں کڈھینداں ہاں، اِتھوں ظاہر تھِیندے جو خُدا دی بادشاہی تُہاݙے اِچ آ ڳئی ہے۔

متّی 12:28 Referans Kwoze

لُوقا 11:20

پر جے مَیں خُدا دی قُدرت نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

متّی 21:43

اِیں واسطے مَیں تُہاکُوں آدھا ہاں جو خُدا دی بادشاہی تُہاڈے کنُوں گِھن گِھدی ویسی تے اُوں قوم کُوں ڈے ڈِتی ویسی جیہڑی بادشاہ دی مرضی دے مطابق پھل گِھن آسی۔

متّی 6:33

پر پہلے تُساں خُدا دی بادشاہی تے راستبازی دی گولھ ءچ راہو تاں ایہ سبھ چیزاں وی تُہاکُوں مِل ویسن۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

لُوقا 16:16

شریعت تے نبی یُوحنّا تئیں ہَن۔ اُوں ویلے تُوں خُدا دی بادشاہی دی خوشخبری سُنڑائی ویندی ہے تے ہر کوئی اُوندے ءچ داخل تھیوݨ دی زبردست کوشش کریندے۔

مرقس 1:15

او آکھنڑ لگا جو ”وقت پُورا تھی گِیا ہے تے خُدا دی بادشاہی نیڑے آ گئی ہے۔ توبہ کرو تے خوشخبری اُتے اِیمان گِھن آؤ۔“

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

لُوقا 9:2

تے اُنہاں کُوں خُدا دی بادشاہی دی تبلیغ کرݨ تے بیماراں کُوں چنگا کرݨ کیتے بھیجیا۔

مرقس 16:17

تے اِیمان گِھن آوݨ آلیاں دے وچال ایہ معجزے تھیسن: او میڈے ناں نال بدرُوحاں کُوں کڈھیسن، نوِیاں نوِیاں زباناں بُولیسن،

عبرانیوں 12:28

اِیں واسطے جڈاں ساکُوں ایجھی بادشاہی مِلدی پئی ہے، جیہڑی ہلائی نئیں وَنج سگدی، تاں آؤ اساں شُکر کرُوں تے خوف تے احترام نال خُدا دی ایجھی عبادت کرُوں جیہڑی اُونکُوں پسند ہے۔

لُوقا 10:11

’اساں تُہاڈے شہر دی دھُوڑ کُوں وی جیہڑی ساڈے پیراں اُتے چڑھی ہے، تُہاڈے سامنڑے چِھنڈک ڈیندے ہاں۔ پر ایہ جاݨ گِھنو جو خُدا دی بادشاہی نیڑے اَن پُجی ہے۔‘

مرقس 11:10

مُبارک ہے ساڈے پِیُو داؤد دی بادشاہی جیہڑی آندی پئی ہے۔ سبھ تُوں اُچے اسمان اُتے ہوشعنا۔“

متّی 12:18

”ڈیکھو میڈا خادم، جِینکُوں مَیں چُنڑیا۔ میڈا محبوب جئیں کنُوں میڈا دل خوش ہے۔ مَیں آپنڑا رُوح اُوندے اُتے نازل کریساں تے او قوماں ءچ اِنصاف دا اعلان کریسی۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی 12:29

یا کوئی بندہ کہیں زور آور دے گھر وڑ تے اُوندا مال کِینویں لُٹ سگدے جئیں تئیں پہلے اُوں زور آور کُوں بَدھ نہ گِھنے؟ وَل او اُوندا گھر لُٹ گِھنسی۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔