متّی 12:25 - کِتاب مُقدّس سرائیکی ترجمہ

²⁵ یسُوع اُنہاں دے خیالاں کُوں جاݨ تے اُنہاں کُوں آکھیا، ”جِیں بادشاہی ءچ پُھٹ پے ویندی ہے او تباہ تھی ویندی ہے تے جِیں شہر یا گھر ءچ پُھٹ پے ویسی او قائم نہ راہسی۔

متّی دی راہِیں اِنجِیل سرائیکی بولی اِچ

²⁵ اُنہیں دے دِلیں دے خیال ڄاݨ کرائیں یِسُوع اُنہیں کُوں آکھیا، ”جیرھی بادشاہی، شہر یا جُھڳے اِچ پُھٹ پئے وَنڄے او اُڄڑ ویسی اَتے او جُھڳا بَر تھی ویسی۔

متّی 12:25 Referans Kwoze

گلتِیوں 5:15

جے تُساں ہِک ڈُوجھے کُوں چِیر پھاڑ تے کھاندے ہیوے تاں خبردار، کِتھائیں اِینویں نہ تھیوے جو ہِک ڈُوجھے کُوں ختم کر ڈیؤ۔

1کُرِنتھِیوں 2:11

اِنسان دے دل دے گالھیں کُوں کوݨ جاݨ سگدے، سوائے اُوندی آپنڑی رُوح دے جیہڑی اُوندے ءچ ہے۔ اِینویں ای خُدا دے رُوح القُدس دے سِوا کوئی خُدا دے دل دے گالھیں نئیں جاݨ سگدا۔

متّی 9:4

یسُوع اُنہاں دے خیال جاݨ گِھدے تے آکھیا جو ”تُساں آپنڑے دل ءچ بُرے گالھیں کیوں سوچیندے ہیوے؟

مُکاشفہ 16:19

تے او عظیم شہر بابل پھٹ تے ترے ٹوٹے تھی گِیا تے قوماں دے شہر وی تباہ تھی گئے۔ اِینویں خُدا اُوں وڈے شہر بابل دیاں بُرائیاں یاد کیتیاں تاں جو اُونکُوں آپنڑے قہر دے شراب نال بھریا ہویا مُنگر پِلاوے۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

مرقس 2:8

یسُوع آپنڑی رُوح ءچ فوراً جاݨ گِھدا جو او آپنڑے دِلاں ءچ کیا سوچیندے ہِن تے اُنہاں کُوں آکھیا، ”تُساں کیوں آپنڑے دِلاں ءچ ایہ گالھیں سوچیندے ہیوے؟

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔