متّی 11:6 - کِتاب مُقدّس سرائیکی ترجمہ

⁶ مُبارک ہے او جیہڑا میڈی وجہ کنُوں ٹھوکر نہ کھاوے۔“

متّی دی راہِیں اِنجِیل سرائیکی بولی اِچ

⁶ اَتے چَنڳا ہے او جیرھا میݙے بارے شک نَئیِں کریندا۔“

متّی 11:6 Referans Kwoze

1کُرِنتھِیوں 2:14

پر جیہڑا بندہ رُوحانی نئیں او خُدا دے رُوح دے گالھیں قبول نئیں کریندا، کیوں جو او اُوندی نظر ءچ بیوقُوفی ہِن تے نہ ای اُنہاں کُوں سمجھ سگدے کیوں جو او صرف رُوح القُدس دے ذریعے سمجھیاں ویندیاں ہِن۔

متّی 26:31

وَل یسُوع شاگرداں کُوں آکھیا، ”تُساں سارے اِیں رات میڈی وجہ کنُوں تُھڈا کھاسو کیوں جو کلام ءچ لِکھیا ہے جو ’مَیں آجڑی کُوں مریساں تے اِجڑ دیاں بھیڈاں کِھنڈ ویسن۔‘

یُوحنّا 6:66

اِیں تُوں اُوندے شاگرداں ءچوں بہُوں سارے اُونکُوں چھوڑ تے چلے گئے تے ولا اُوندے نال نہ ریہے۔

متّی 24:10

اُوں ویلے بہُوں سارے لوک اِیمان کنُوں پِھر ویسن تے ہِک ڈُوجھے کُوں پکڑویسن تے آپس ءچ دُشمنڑی رکھیسن۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

متّی 18:7

گُمراہ کرݨ آلیاں چیزاں دی وجہ کنُوں اِیں دُنیا اُتے افسوس ہے۔ ایجھیاں ٹھوکراں دا ہووݨ تاں ضرور ہے پر اُوں بندے اُتے افسوس جیندی وجہ کنُوں ٹھوکر لگے۔

گلتِیوں 5:11

بِھراؤ! جے مَیں ہُنڑ تئیں ختنے دی تبلیغ کریندا ہاں تاں حالی تئیں کیوں ستایا ویندے ہاں؟ جے میں ایجھی تبلیغ کریندا تاں لوک صلیب دا پیغام سُنڑ تے تُھڈا نہ کھاندے۔

لُوقا 2:34

شمعون اُنہاں کیتے دُعائے خیر کیتی تے اُوندی ماء مریم کُوں آکھیا، ”ایہ بال اِسرائیل ءچ بہُوں سارے لوکاں دے ڈھاوݨ تے کھڑے تھیوݨ کیتے مقرر تھئے۔ او ایجھا نشان ہوسی جیندی مخالفت کیتی ویسی،

متّی 5:29

بس جے تیڈی سجی اکھ تَیں کنُوں گُناہ کراوے تاں اُونکُوں کڈھ تے سَٹ ڈے۔ کیوں جو تیڈے کیتے اِیہو چنگا ہے جو تیڈے بدن دے انگاں ءچوں ہِک اَنگ ویندا راہوے بجائے اِیندے جو تیڈا سارا بدن دوزخ ءچ سَٹ ڈِتا ونجے۔

متّی 13:21

پر او اُوندے ءچ جڑھ نئیں پکڑیندا تے دیر تئیں قائم نئیں راہندا۔ جِیں ویلے کلام دے سببّوں مُصیبت یا ظلم آندے تاں فوراً ٹھوکر کھاندے۔

مرقس 6:3

کیا ایہ اُوہو درکھاݨ نئیں جیہڑا مریم دا پوتر تے یعقُوب تے یوسیس تے یہُوداہ تے شمعون دا بِھرا ہے؟ تے کیا اُوندیاں بھینڑاں ساڈے نال اِتھائیں نئیں؟“ بس اُنہاں اُوندی وجہ کنُوں ٹھوکر کھادی۔

لُوقا 7:23

مُبارک ہے او جیہڑا میڈی وجہ کنُوں ٹھوکر نہ کھاوے۔“

یُوحنّا 16:1

”مَیں ایہ گالھیں اِیں واسطے تُہاکُوں آکھیاں جو تُساں تُھڈا نہ کھاؤ۔