متّی 11:23 - کِتاب مُقدّس سرائیکی ترجمہ

²³ تے کفرنحُوم! کیا تُوں اسمان تئیں اُچا کیتا ویسیں؟ تُوں تاں عالم ِ ارواح ءچ لہایا ویسیں۔ کیوں جو جیہڑے معجزے تیڈے ءچ ظاہر تھئے، جے سدُوم ءچ ظاہر تھیندے تاں او اَج تئیں قائم راہندا۔

متّی دی راہِیں اِنجِیل سرائیکی بولی اِچ

²³ اَتے اَے شہر کفرنحوم! کیا تَیکُوں اَسمان جِتنا اُچا رُتبہ ݙِتا ویسی؟ اصلوں کَینا! تُوں تاں تَلے پاتال اِچ لَہا ݙِتا ویسیں، جے مُلک سدُوم اِچ او مُعجِزے کیتے ویندے جیرھے تیݙے اِچ کیتے ڳئین تاں او شہر اَڄ تَئیِں قائم رَہندا۔

متّی 11:23 Referans Kwoze

متّی 4:13

تے ناصرت کُوں چھوڑ تے کفرنحُوم ءچ راہنڑ لگا، جیہڑا جھیل دے کنارے زبُولُون تے نفتالی دی سرحد اُتے ہے،

مُکاشفہ 11:8

تے اُنہاں دیاں لاشاں اُوں وڈے شہر دیاں سڑکاں اُتے پئیاں راہسن جِینکُوں علامتی طور تے سدُوم تے مِصر دا ناں ڈِتا گئے۔ اُوں شہر ءچ ساڈا خُداوند وی صلیب اُتے چڑھایا گِیا ہا۔

یہُوداہ 1:7

اِینویں ای سدُوم تے عمُورہ تے اُوندے آسُوں پاسُوں دے شہراں دے لوک وی زِنا کاری تے بدفعلی کرݨ لگ پئے ہَن۔ تے او ہمیشاں تئیں بلنڑ آلی بھاہ دی سزا بُھگتدے ہوئے عِبرت دا نشان بنڑ گئے۔

اعمال 2:27

اِیں واسطے جو تُوں میڈی جان کُوں عالم ِ ارواح ءچ نہ چُھوڑیسیں تے نہ آپنڑے قدُّوس دے سڑن دی نوبت آوݨ ڈیسیں۔

لُوقا 14:11

کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا آپنڑے آپ کُوں چھوٹا بنڑیسی او وڈا کیتا ویسی۔“

متّی 16:18

تے مَیں وی تیکُوں آدھا ہاں جو تُوں پطرس ہیں، تے مَیں اِیں چٹان اُتے آپنڑی کلیسیا قائم کریساں تے موت وی اُوندے اُتے غالب نہ آ سگسی۔

متّی 8:5

جِیں ویلے یسُوع کفرنحُوم شہر ءچ داخل تھیّا تاں ہِک صوبیدار اُوندے کولھ آیا تے مِنت کر تے آکھنڑ لگا،

لُوقا 16:23

اُوں عالم ِ ارواح دے عذاب ءچ مُبتلا تھی تے آپنڑے اکھیں چاتیاں تے پرے کنُوں ابرہام کُوں ڈِٹھا تے اُوندی جھولی ءچ لعزر کُوں۔

لُوقا 4:23

یسُوع اُنہاں کُوں آکھیا، ”بے شک تُساں ایہ کہاوت میڈے اُتے اکھیسو جو ’حکیم! آپنڑے آپ کُوں تاں چنگا کر۔‘ تے ایہ وی اکھیسو، ’جیہڑے گالھیں اساں کفرنحُوم ءچ تھیندیاں سُنڑیاں ہَن، آپنڑے وطن ءچ وی کر‘۔“

متّی 17:24

او کفرنحُوم ءچ پُجے تاں ہیکل دا سالانہ ٹیکس گِھننڑ آلیاں پطرس دے کولھ آ تے آکھیا، ”کیا تُہاڈا اُستاد ہیکل دا ٹیکس نئیں ڈیندا؟“

متّی 10:15

مَیں تُہاکُوں سچ آدھا ہاں جو عدالت دے ڈینہہ سدُوم تے عمُورہ دے علاقے دا حال اُوں شہر دے حال کنُوں زیادہ برداشت دے لائق ہوسی۔

لُوقا 10:15

تے کفرنحُوم! کیا تُوں اسمان تئیں اُچا کیتا ویسیں؟ تُوں تاں عالم ِ ارواح ءچ لہایا ویسیں۔

اعمال 2:31

اُوں پیشن گوئی کریندے ہوئے المسیح دے زندہ تھیوݨ دا ذِکر کیتا جو نہ او عالم ِ ارواح ءچ چھوڑیا گِیا تے نہ اُوندے جِسم کُوں سڑن ڈِتا گِیا۔

مُکاشفہ 1:18

مَیں او ہاں جیہڑا زندہ راہندا ہاں۔ مَیں مر گِیا ہم پر ڈیکھ ہُنڑ مَیں ہمیشاں کیتے زندہ ہاں۔ موت تے عالم ِ ارواح دیاں چابیاں میڈے کولھ ہِن۔

مُکاشفہ 6:8

جِیں ویلے مَیں نِگاہ کیتی تاں ڈِٹھا جو ہِک گھوڑا ہے جِیندا رنگ پِیلا جِیہا ہا تے جیندے سوار دا ناں موت ہے۔ اُوندے پِچُھوں پِچُھوں عالم ِ ارواح ہئی۔ اُونکُوں زمین دے چوتھے حصہ اُتے اِختیار ڈِتا گِیا جو تلوار، کال، وبا تے زمین دے جنگلی جانوراں دے ذریعے لوکاں کُوں مارے۔

مُکاشفہ 20:13

سمندر اُنہاں مُردیاں کُوں جیہڑے اُوندے ءچ ہَن ڈے ڈِتا، تے موت تے عالم ِ ارواح آپنڑے مُردیاں کُوں ڈے ڈِتا۔ تے ہر ہِک دی عدالت اُوندے اعمال دے مطابق کیتی گئی۔