متّی 11:18 - کِتاب مُقدّس سرائیکی ترجمہ

¹⁸ کیوں جو یُوحنّا نہ کھاندا نہ پِیندا آیا تے او آدھن جو اُوندے ءچ بدرُوح ہے۔

متّی دی راہِیں اِنجِیل سرائیکی بولی اِچ

¹⁸ جݙّاں یُوحنّا آیا او کھندا پِیندا نہ ہا اَتے لوک اَہدِے ہَن، ’اُوندے اِچ بَد‌رُوح ہے۔‘

متّی 11:18 Referans Kwoze

لُوقا 1:15

کیوں جو او خُداوند دے حضُور ءچ بزُرگ ہوسی۔ او ہرگز نہ انگُور دی نہ کوئی بئی شراب پی سی، تے آپنڑی ماء دے پیٹ تُوں ای رُوح القُدس نال بھریج ویسی۔

متّی 3:4

ایہ یُوحنّا اُٹھ دے والاں دے کپڑے پَیندا ہا تے آپنڑی چیل تے چمڑے دا پٹکا بدھی راہندا ہا تے اُوندی خوراک ٹِڈیاں تے جنگلی ماکھی ہئی۔

یُوحنّا 10:20

اُنہاں ءچوں بہُوں سارے تاں آکھنڑ لگے، ”اُوندے ءچ بدرُوح ہے تے او پاگل ہے۔ تُساں اُوندی کیوں سُنڑدے ہیوے؟“

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 7:20

لوکاں جواب ڈِتا، ”تیڈے ءچ تاں کوئی بدرُوح ہے۔ کوݨ تیڈے قتل دی کوشش ءچ ہے؟“

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

1کُرِنتھِیوں 9:27

بلکہ مَیں آپنڑے بدن اُتے سختی کریندا ہاں تے اُونکُوں قابو ءچ رکھیندا ہاں، اِینویں نہ تھیوے جو ڈُوجھیاں کُوں تبلیغ کر تے، مَیں خود اِنعام تُوں محروم تھی وَنجاں۔

اعمال 26:24

جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“

متّی 9:34

پر فریسیاں آکھیا جو ”ایہ تاں بدرُوحاں دے سردار دی مدد نال بدرُوحاں کُوں کڈھیندے۔“

متّی 11:17

’اساں تُہاڈے کیتے بانسری وجائی تے تُساں نہ نچے۔ اساں ماتم کیتا پر تُساں چھاتی نہ پِٹی۔‘

مرقس 3:22

تے شریعت دے جیہڑے عالم یروشلیم کنُوں آئے ہَن ایہ آدھے ہَن جو ”اُوندے نال بعل زبُول ہے۔ او بدرُوحاں دے سردار دی مدد نال بدرُوحاں کُوں کڈھیندے۔“

یُوحنّا 8:52

یہُودیاں اُونکُوں آکھیا جو ”ہُنڑ ساکُوں پتہ لگ گئے جو تیڈے ءچ بدرُوح ہے۔ ابرہام مر گِیا تے نبی وی مر گئے پر تُوں آدھیں جو ’جیہڑا کوئی میڈے کلام اُتے عمل کریسی او کڈھائیں نہ مرسی۔‘