متّی 10:37 - کِتاب مُقدّس سرائیکی ترجمہ

³⁷ جیہڑا کوئی آپنڑے پِیُو یا ماء کُوں مَیں کنُوں زیادہ پیار کریندے او میڈے لائق نئیں، تے جیہڑا کوئی آپنڑے پوتر یا دِھی کُوں مَیں کنُوں زیادہ پیار کریندے او میڈے لائق نئیں۔

متّی دی راہِیں اِنجِیل سرائیکی بولی اِچ

³⁷ جیرھا بندہ میݙے کنُوں وَدھ کرائیں اپݨے پیِوُ ماء نال مُحبّت کریندے او میݙی پیروی کرَݨ دے لائق نہ ہوسی۔ اَتے جیرھا بندہ میݙے کنُوں وَدھ کرائیں اپݨے پُتر یا دِھی نال مُحبّت کریسی، او وی میݙی پیروی کرَݨ دے لائق نہ ہوسی۔

متّی 10:37 Referans Kwoze

لُوقا 14:26

”جے کوئی میڈے کولھ آوے تے آپنڑے پِیُو، ماء، ذال، بال، بِھرا تے بھینڑاں بلکہ آپنڑی جان نال وی دُشمنڑی نہ رکھے، او میڈا شاگرد نئیں تھی سگدا۔

متّی 22:37

اُوں اُونکُوں آکھیا، ”رب العالمین آپنڑے خُدا نال آپنڑے سارے دل تے آپنڑی ساری جان تے آپنڑی ساری عقل نال محبت رکھ۔

لُوقا 21:36

بس ہر ویلے جاگدے تے دُعا کریندے راہو تاں جو تُہاکُوں اِنہاں سارے گالھیں کنُوں جیہڑیاں تھیوݨ آلیاں ہِن، بچنڑ تے اِبنِ آدم دے حضُور ءچ کھڑے تھیوݨ دی قُدرت ہووے۔“

متّی 22:8

وَل اُوں آپنڑے نوکراں کُوں آکھیا، ’شادی دی ضیافت تاں تیار ہے پر جیہڑے سڈے گئے ہَن لائق نہ ہَن۔

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

لُوقا 20:35

پر جیہڑے لوک آوݨ آلی دُنیا دے لائق کھڑائے ویسن تے مُردیاں ءچوں زندہ تھیسن، او شادی ویاہ نہ کریسن۔

مُکاشفہ 3:4

پر سردِیس ءچ تیڈے کُجھ لوک ایجھے ہِن جِنہاں آپنڑے کپڑیاں کُوں ناپاک نئیں کیتا۔ او چِٹے کپڑے پاتے ہوئے میڈے نال ٹُرسن، کیوں جو او اِیندے لائق ہِن۔