متّی 10:25 - کِتاب مُقدّس سرائیکی ترجمہ

²⁵ شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی دی راہِیں اِنجِیل سرائیکی بولی اِچ

²⁵ شاگِرد کیتے اِتنا ٻَہُوں ہے جو او اپݨے اُستاد وانگوں تھی وَنڄے اَتے اِیویں ای ٻاہنا اپݨے مالک وانگوں۔ جݙّاں اُنہیں گھر دے مالک کُوں بَعل‌زبُول یعنی بَد‌رُوحیں دا سردار آکھ ݙِتے تاں کیا اُوندے گھر دے لوکیں کُوں اِیں کنُوں وَدھ بُرے ناویں نال نہ سݙیسِن؟“

متّی 10:25 Referans Kwoze

لُوقا 11:15

پر اُنہاں ءچوں کُجھ آکھیا، ”ایہ تاں بدرُوحاں دے سردار بعل زبُول دی مدد نال بدرُوحاں کُوں کڈھیندے۔“

متّی 12:24

فریسیاں سُنڑ تے آکھیا، ”ایہ بدرُوحاں دے سردار بعل زبُول دی مدد دے بغیر بدرُوحاں کُوں نئیں کڈھیندا۔“

متّی 9:34

پر فریسیاں آکھیا جو ”ایہ تاں بدرُوحاں دے سردار دی مدد نال بدرُوحاں کُوں کڈھیندے۔“

یُوحنّا 7:20

لوکاں جواب ڈِتا، ”تیڈے ءچ تاں کوئی بدرُوح ہے۔ کوݨ تیڈے قتل دی کوشش ءچ ہے؟“

مرقس 3:22

تے شریعت دے جیہڑے عالم یروشلیم کنُوں آئے ہَن ایہ آدھے ہَن جو ”اُوندے نال بعل زبُول ہے۔ او بدرُوحاں دے سردار دی مدد نال بدرُوحاں کُوں کڈھیندے۔“

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 10:20

اُنہاں ءچوں بہُوں سارے تاں آکھنڑ لگے، ”اُوندے ءچ بدرُوح ہے تے او پاگل ہے۔ تُساں اُوندی کیوں سُنڑدے ہیوے؟“

یُوحنّا 8:52

یہُودیاں اُونکُوں آکھیا جو ”ہُنڑ ساکُوں پتہ لگ گئے جو تیڈے ءچ بدرُوح ہے۔ ابرہام مر گِیا تے نبی وی مر گئے پر تُوں آدھیں جو ’جیہڑا کوئی میڈے کلام اُتے عمل کریسی او کڈھائیں نہ مرسی۔‘

متّی 12:27

تے جے مَیں بعل زبُول دی مدد نال بدرُوحاں کُوں کڈھیندا ہاں تاں تُہاڈے شاگرد کیندی مدد نال کڈھیندے ہِن؟ اِیں واسطے اُوہو تُہاڈے مُنصف ہوسن۔

لُوقا 11:18

تے جے شیطان وی آپنڑا مخالف تھی ونجے تاں اُوندی بادشاہی کِینویں قائم راہسی؟ کیوں جو تُساں میڈے بارے ءچ اکھیندے ہیوے جو ایہ بدرُوحاں کُوں بعل زبُول دی مدد نال کڈھیندے۔

لُوقا 11:19

تے جے مَیں بعل زبُول دی مدد نال بدرُوحاں کُوں کڈھیندا ہاں تاں تُہاڈے شاگرد کیندی مدد نال کڈھیندے ہِن؟ اِیں واسطے اُوہو تُہاڈے مُنصف ہوسن۔

مرقس 10:39

اُنہاں جواب ڈِتا، ”اساں کر سگدے ہاں۔“ یسُوع اُنہاں کُوں آکھیا، ”جیہڑا پیالہ مَیں پِیوݨ آلا ہاں تُساں پِیسو، تے جیہڑا بپتسمہ مَیں گِھننڑ آلا ہاں، تُساں گِھنسو۔