متّی 10:22 - کِتاب مُقدّس سرائیکی ترجمہ

²² تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

متّی دی راہِیں اِنجِیل سرائیکی بولی اِچ

²² اَتے میݙی وجہ کنُوں سارے لوک تُہاݙے نال دُشمنی رکھیسِن پَر جیرھا مَردے دَم تَئیِں اِیمان تے قائم رَہسی اُونکُوں مُعافی مِلسی۔

متّی 10:22 Referans Kwoze

متّی 24:13

پر جیہڑا آخر تئیں برداشت کریسی اُوہو نجات پیسی۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

مرقس 13:13

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

متّی 10:39

جیہڑا کوئی آپنڑی جان بچیندے او اُونکُوں ونجیسی تے جیہڑا میڈی خاطر آپنڑی جان ونجیندے، او اُونکُوں پیسی۔

1 یُوحنّا 3:13

اِیں واسطے بِھراؤ! جے دُنیا تُہاڈے نال دُشمنڑی رکھیندی ہے تاں حیران نہ تھیؤ۔

متّی 24:9

اُوں ویلے لوک تُہاکُوں پکڑ تے سخت سزاواں ڈیسن تے قتل کریسن۔ تے سبھ قوماں میڈے ناں دے سببّوں تُہاڈے نال دُشمنڑی رکھیسن۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

عبرانیوں 6:11

اساں چاہندے ہیں جو تُہاڈے ءچوں ہر ہِک اِینویں ای آخر تئیں کوشش کریندا راہوے تاں جو جِنہاں گالھیں دی تُساں اُمید رکھیندے ہیوے، او پُوریاں تھی ونجنڑ۔

یُوحنّا 17:14

مَیں تیڈا کلام اُنہاں تئیں پُچا ڈِتے تے دُنیا اُنہاں نال نفرت کیتی ہے کیوں جو جِینویں مَیں دُنیا دا نئیں او وی دُنیا دے نئیں۔

گلتِیوں 6:9

اساں نیکی کرݨ ءچ ہِمت نہ ہارُوں کیوں جو جے بے دل نہ تھیسوں تاں پُورے وقت اُتے فصل کپیسوں۔

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

2کُرِنتھِیوں 4:11

کیوں جو اساں جیندے جی یسُوع دی خاطر موت دا مُنہ ڈیدھے راہندے ہیں تاں جو یسُوع دی زندگی ساڈے فانی بدن ءچ ظاہر تھیوے۔

متّی 5:11

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔

مُکاشفہ 2:17

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں پوشیدہ مَن ءچوں ڈیساں۔ مَیں اُونکُوں ہِک سفید پتھر وی ڈیساں جیندے اُتے نواں ناں لِکھیا ہویا ہوسی، جِیندا علم صرف اُونکُوں ہوسی جِینکُوں او مِلسی۔“

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔

مُکاشفہ 2:7

جیندے کَن ہووݨ او سُنڑے جو رُوح القُدس کلیسیاواں کُوں کیا فرمیندے۔ جیہڑا غالب آسی مَیں اُونکُوں زندگی دے اُوں درخت دا پھل کھاوݨ کیتے ڈیساں جیہڑا خُدا دے فِردوس ءچ ہے۔“

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

مُکاشفہ 2:26

جیہڑا غالب آسی تے آخر تئیں میڈی مرضی دے مطابق عمل کریسی، مَیں اُونکُوں قوماں اُتے اِختیار ڈیساں،

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

مُکاشفہ 2:3

تے تُوں صبر کریندا ہیں تے میڈے ناں دی خاطر مُصیبت برداشت کریندے کریندے نئیں تھکدا۔

لُوقا 21:17

تے میڈے ناں دے سببّوں سبھ لوک تُہاڈے نال دُشمنڑی رکھیسن۔

لُوقا 21:19

آپنڑے صبر نال تُساں آپنڑیاں جاناں کُوں محفوظ رکھیسو۔