متّی 10:2 - کِتاب مُقدّس سرائیکی ترجمہ

² بارہاں رسُولاں دے ناں ایہ ہِن۔ پہلا شمعون جیہڑا پطرس اکھویندے تے اُوندا بِھرا اندریاس، زبدی دا پوتر یعقُوب تے اُوندا بِھرا یُوحنّا،

متّی دی راہِیں اِنجِیل سرائیکی بولی اِچ

² اَتے ٻارھاں رسُولیں دے ناں ایہ ہِن، پہلا شمعُون جَینکُوں پطرس وی اَہدِن اَتے اُوندا بِھرا اندریاس، زبدی دے ݙُوہیں پُتر یعقُوب اَتے یُوحنّا۔

متّی 10:2 Referans Kwoze

اعمال 1:13

شہر ءچ داخل تھی تے او اُوں چوبارے اُتے گئے جِتھاں او یعنی پطرس، یُوحنّا، یعقُوب، اندریاس، فِلپُس، توما، بَرتُلمائی، متّی، حلفئی دا پوتر یعقُوب، شمعون جیہڑا حُریت پسند اکھویندا ہا تے یعقُوب دا پوتر یہُوداہ راہندے ہَن۔

متّی 4:21

اُتھوں اگھاں ودھ تے اُوں بئے ڈُو بِھرا، یعقُوب تے یُوحنّا ڈِٹھے جیہڑے زبدی دے پوتر ہَن تے کشتی ءچ آپنڑے پِیُو نال آپنڑے جالاں دی مرمت کریندے پئے ہَن، تے اُنہاں کُوں سڈیا۔

یُوحنّا 12:22

فِلپُس آ تے اندریاس کُوں ڈسا یا، تے وَل اندریاس تے فِلپُس یسُوع کُوں خبر ڈِتی۔

یُوحنّا 6:8

اُوندے شاگرداں ءچوں ہِک، یعنی اندریاس جیہڑا شمعون پطرس دا بِھرا ہا، اُونکُوں آکھیا،

لُوقا 5:10

تے اِیہو حال زبدی دے پوتراں یعقُوب تے یُوحنّا دا ہا جیہڑے شمعون دے ساتھی ہَن۔ یسُوع شمعون کُوں آکھیا، ”ڈر نہ۔ ہُنڑ کنُوں تُوں خُدا کیتے بندیاں کُوں پکڑیسیں۔“

متّی 4:18

گلیل دی جھیل دے کنارے اُتے ٹُردے ہوئے یسُوع ڈُو بِھرانواں، شمعون جیہڑا پطرس اکھویندا ہا تے اُوندے بِھرا اندریاس، کُوں جھیل ءچ جال سٹیندے ڈِٹھا کیوں جو او مچھیرے ہَن۔

لُوقا 11:49

اِیں واسطے خُدا آپنڑی حِکمت ءچ آکھیا ہے جو ’مَیں نبیاں تے رسُولاں کُوں اُنہاں دے کولھ بھجیساں۔ او اُنہاں ءچوں کُجھ کُوں قتل کریسن تے کُجھ کُوں ستیسن۔‘

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

2 یُوحنّا 1:1

ایہ خط مَیں بزُرگ دی طرفوں، خُدا دی اُوں چُنڑی ہوئی بی بی تے اُوندے فرزنداں دے ناں ہے جِنہاں نال نہ صرف مَیں بلکہ او سارے جیہڑے سچائی کنُوں واقف ہِن، سچی محبت رکھیندے ہِن،

2 پطرس 1:1

ایہ خط میں شمعون پطرس دی طرفوں جیہڑا یسُوع مسیح دا خادم تے رسُول ہاں، اُنہاں لوکاں دے ناں ہے جِنہاں ساڈے خُدا تے نجات ڈیوݨ آلے یسُوع مسیح دی راستبازی دے ذریعے ساڈے وانگُوں قیمتی اِیمان حاصل کیتے۔

1 پطرس 1:1

ایہ خط میں پطرس دی طرفوں ہے جیہڑا یسُوع مسیح دا رسُول ہاں، خُدا دے اُنہاں چُنڑے ہوئے لوکاں دے ناں جیہڑے پردیسیاں آلی کار پُنطُس، گلِتیہ، کپَدُکیہ، آسِیہ تے بتُھنیہ ءچ جاہ جاہ تے راہندے ہِن۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

1کُرِنتھِیوں 15:7

وَل او یعقُوب کُوں ڈِکھالی ڈِتا تے اِیندے بعد سارے رسُولاں کُوں۔

اعمال 12:2

تے یُوحنّا دے بِھرا یعقُوب کُوں تلوار نال قتل کیتا۔

اعمال 3:1

پطرس تے یُوحنّا، دُعا ویلے یعنی ڈوپہر ترے وجے ہیکل دو ویندے پئے ہَن۔

اعمال 1:26

وَل اُنہاں ڈوہاں دے ناں دی پرچی پاتی تے متّیاہ دا ناں نِکلیا۔ بس او اُنہاں یارہاں رسُولاں دے نال شمار کیتا گِیا۔

یُوحنّا 21:24

ایہ اُوہو شاگرد ہے جیہڑا اِنہاں گالھیں دی گواہی ڈیندے تے جئیں اِنہاں کُوں لِکھیا ہے تے اساں جانڑدے ہیں جو اُوندی گواہی سچی ہے۔

یُوحنّا 21:20

پطرس مُڑ تے اُوں شاگرد کُوں پِچُھوں آندے ڈِٹھا جِینکُوں یسُوع عزیز رکھیندا ہا تے جئیں شام دے کھانڑے ویلے یسُوع دو جُھک تے پُچھیا ہا، ”مالک! او کوݨ ہے جیہڑا تُہاکُوں پکڑویسی؟“

یُوحنّا 21:2

شمعون پطرس تے توما جیہڑا جاڑا اکھویندے تے نتن ایل جیہڑا گلیل دی وستی قانا دا ہا، تے زبدی دے پوتر، تے ڈُوجھے بئے شاگرد اُتھاں جمع ہَن۔

یُوحنّا 20:2

بس او شمعون پطرس تے اُوں ڈُوجھے شاگرد دے کولھ بھج تے گئی جِینکُوں یسُوع عزیز رکھیندا ہا تے اُنہاں کُوں آکھیا، ”او مالک کُوں قبر ءچوں کڈھ تے گِھن گئے ہِن تے ساکُوں پتہ نئیں جو اُونکُوں کِتھاں رکھ ڈِتے۔“

یُوحنّا 13:23

اُوندے شاگرداں ءچوں ہِک بندہ جِینکُوں یسُوع عزیز رکھیندا ہا، دسترخوان اُتے اُوندے بالکل نال بیٹھا ہا۔

لُوقا 22:14

جِیں ویلے وقت تھی گِیا تاں یسُوع تے اُوندے رسُول کھانڑا کھاوݨ بیٹھے۔

لُوقا 22:8

یسُوع پطرس تے یُوحنّا کُوں ایہ آکھ تے بھیجیا جو ”ساڈے کیتے فسح کھاوݨ دی تیاری کرو۔“

لُوقا 9:10

وَل رسُولاں جیہڑا کُجھ کیتا ہا، واپس آ تے یسُوع کُوں ڈسایا۔ وَل او اُنہاں کُوں اَنج گِھن تے بیت صیدا ناں دے ہِک شہر دو روانہ تھیّا۔

مرقس 13:3

جِیں ویلے یسُوع زیتون دے پہاڑ اُتے ہیکل دے سامنڑے بیٹھا ہا تاں پطرس، یعقُوب، یُوحنّا تے اندریاس کلھیپے ءچ اُوں کنُوں پُچھیا،

مرقس 1:29

او عبادت خانہ ءچوں باہر نِکلدے ای یعقُوب تے یُوحنّا دے نال شمعون تے اندریاس دے گھر آئے۔

متّی 26:37

او پطرس تے زبدی دے ڈوہائیں پوتراں کُوں نال گِھن گِیا تے غمگین تے بے چین تھیوݨ لگا۔

متّی 20:20

اُوں ویلے زبدی دے پوتراں دی ماء آپنڑے پوتراں دے نال یسُوع کولھ آئی تے جُھک تے اُونکُوں ہِک عرض کیتی۔

متّی 17:1

چِھی ڈینہہ بعد یسُوع پطرس، یعقُوب تے یعقُوب دے بِھرا یُوحنّا کُوں نال گِھدا تے اُنہاں کُوں ہِک اُچے پہاڑ اُتے اَنج گِھن گِیا۔

مُکاشفہ 22:8

مَیں یُوحنّا اُوہو ہاں جئیں اِنہاں گالھیں کُوں سُنڑیا تے ڈِٹھا۔ جِیں ویلے مَیں ایہ گالھیں سُنڑ تے ڈیکھ گِھدیاں تاں میں سجدہ ءچ اُوں فرشتے دے پیراں ءچ ڈھے پِیا جئیں میکُوں ایہ گالھیں ڈِکھائیاں ہَن۔

مُکاشفہ 1:1

ایہ یسُوع مسیح دا مُکاشفہ ہے جیہڑا اُونکُوں خُدا اِیں واسطے ڈِتا جو او آپنڑے بندیاں کُوں او گالھیں ڈِکھاوے جِنہاں دا جلدی تھیوݨ ضرور ہے۔ اُوں آپنڑے فرشتہ کُوں بھیج تے ایہ گالھیں آپنڑے بندہ یُوحنّا اُتے ظاہر کیتیاں،

3 یُوحنّا 1:1

ایہ خط مَیں بزُرگ دی طرفوں، پیارے گِیُس دے ناں ہے جیندے نال مَیں سچی محبت کریندا ہاں۔

مُکاشفہ 18:20

”اسمانو اُوندی تباہی اُتے خوشی مناؤ مُقدّسو، رسُولو تے نبیو خوشی مناؤ کیوں جو خُدا تُہاڈے حق ءچ فیصلہ کر تے اُوندی عدالت کیتی ہے۔“

مرقس 6:30

وَل رسُول واپس آ تے یسُوع دے کولھ جمع تھئے تے جیہڑا کُجھ اُنہاں کیتا تے سِکھایا ہا سبھ اُونکُوں ڈسایا۔

یُوحنّا 6:67

بس یسُوع اُنہاں بارہاں کنُوں پُچھیا، ”کیا تُساں وی ونجنڑ چاہندے ہیوے؟“

یُوحنّا 6:70

یسُوع اُنہاں کُوں جواب ڈِتا، ”کیا مَیں تُساں بارہاں کُوں نئیں چُنڑ گِھدا؟ وَل وی تُہاڈے ءچوں ہِک شیطان ہے۔“

یُوحنّا 6:71

اُوں ایہ شمعون اِسکریُوتی دے پوتر یہُوداہ دے بارے ءچ آکھیا کیوں جو اِیہو جیہڑا اُنہاں بارہاں ءچوں ہا، اُونکُوں پکڑواوݨ آلا ہا۔