متّی 10:10 - کِتاب مُقدّس سرائیکی ترجمہ

¹⁰ نہ رستے کیتے تھیلا گِھنائے نہ ڈُو ڈُو چولے نہ جُتی تے نہ سوٹی کیوں جو مزدُور آپنڑی مزدُوری دا حقدار ہے۔

متّی دی راہِیں اِنجِیل سرائیکی بولی اِچ

¹⁰ اَتے تُہاݙے کولھ نہ کُوئی وادھوں چولا نہ جُتی نہ ہَتھ اِچ سوٹی ہووے اَتے نہ ای کُوئی سفری تھیلا ہووے۔ کیوں جو مَزدُور اپݨی روزی روٹی دا حق دار ہے۔

متّی 10:10 Referans Kwoze

لُوقا 3:11

اُوں جواب ءچ آکھیا، ”جیندے کولھ ڈُو چولے ہووݨ، او ہِک اُونکُوں ڈیوے جیندے کولھ ہِک وی کائنی، تے جیندے کولھ کھانڑا ہووے او وی اِینویں ای کرے۔“

2 تِیمُتھِیُس 4:13

جِیں ویلے تُوں آویں تاں او چولا جیہڑا مَیں تروآس ءچ کرپُس دے کولھ چھوڑ آیا ہم آپنڑے نال گِھدی آویں، تے کتاباں وی خاص کر او جیہڑیاں کَھل اُتے لِکھیاں ہِن۔

متّی 10:11

تُساں جیہڑے وی شہر یا وستی ءچ داخل تھیوائے تاں پتہ کرائے جو کیہڑا اُوندے ءچ لائق ہے تے جئیں تئیں اُتھوں روانہ نہ تھیؤ، اُتھائیں ٹِکائے۔

مرقس 6:8

تے حُکم ڈِتا جو ”سفر کیتے سوٹی دے سوا کُجھ نہ گِھنائے، نہ روٹی، نہ تھیلا، نہ آپنڑے کمر بند ءچ پیسے۔

لُوقا 9:3

تے اُنہاں کُوں آکھیا جو ”رستے کیتے کُجھ نہ گِھنائے نہ سوٹی، نہ تھیلا، نہ روٹی، نہ پیسے تے نہ ڈُو ڈُو چولے۔