متّی 10:1 - کِتاب مُقدّس سرائیکی ترجمہ

¹ وَل یسُوع آپنڑے بارہاں شاگرداں کُوں کولھ سڈ تے اُنہاں کُوں بدرُوحاں کُوں کڈھنڑ تے سبھ بیماریاں تے تکلیفاں کنُوں شِفا ڈیوݨ دا اِختیار بخشیا۔

متّی دی راہِیں اِنجِیل سرائیکی بولی اِچ

¹ اَتے یِسُوع اپݨے ٻارھاں خاص شاگِردئیں کُوں اپݨے کولھ سَݙ کرائیں اُنہیں کُوں اِختیار ݙِتا جو او لوکیں اِچوں بَد‌رُوحاں کڈِھن اَتے ہر طرحاں دی بیمارئیں اَتے کمزورئیں کنُوں شِفا ݙیوِن۔

متّی 10:1 Referans Kwoze

لُوقا 10:19

ڈیکھو مَیں تُہاکُوں اِختیار ڈِتے جو سَپاں تے وِٹھوویاں کُوں لتاڑو تے دُشمنڑ دی ساری قُدرت اُتے غالب آؤ تے تُہاکُوں کہیں چیز کنُوں نُقصان نہ پُجسی۔

لُوقا 24:49

تے ڈیکھو، مَیں تُہاڈے اُتے اُونکُوں نازل کریساں جِیندا وعدہ میڈے باپ کیتے، پر جئیں تئیں تُہاکُوں اسمان کنُوں قوت نہ مِلے اِیں شہر ءچ ٹِکے راہو۔“

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

یُوحنّا 3:27

یُوحنّا جواب ءچ آکھیا، ”اِنسان کُوں کُجھ نئیں مِل سگدا جئیں تئیں اُونکُوں اسمان دی طرفوں نہ ڈِتا ونجے۔

لُوقا 6:13

جِیں ویلے سویل تھئی تاں اُوں آپنڑے شاگرداں کُوں سڈیا تے اُنہاں ءچوں بارہاں کُوں چُنڑ تے اُنہاں کُوں رسُول مقرر کیتا،

لُوقا 21:15

کیوں جو مَیں تُہاکُوں ایجھی زبان تے حِکمت عطا کریساں جو تُہاڈا کوئی وی مخالف نہ تاں تُہاڈا سامنڑا کر سگسی تے نہ تُہاڈے گالھیں کُوں غلط ثابت کر سگسی۔

اعمال 19:15

پر ہِک ڈینہہ بدرُوح اُنہاں کُوں آکھیا جو ”مَیں یسُوع کُوں تاں جانڑدی ہاں تے پولُس دا وی پتہ ہے پر تُساں کوݨ ہیوے؟“

یُوحنّا 17:2

کیوں جو تُوں اُونکُوں سبھ لوکاں اُتے اِختیار بخشیا ہے تاں جو جِنہاں کُوں تُوں اُونکُوں بخشیا ہے اُنہاں ساریاں کُوں او ہمیشاں دی زندگی ڈیوے۔

یُوحنّا 6:70

یسُوع اُنہاں کُوں جواب ڈِتا، ”کیا مَیں تُساں بارہاں کُوں نئیں چُنڑ گِھدا؟ وَل وی تُہاڈے ءچوں ہِک شیطان ہے۔“

یُوحنّا 3:35

باپ پوتر نال محبت رکھیندے تے اُوں سبھ کُجھ پوتر دے سپُرد کر ڈِتے۔

مُکاشفہ 12:1

وَل اسمان اُتے ہِک عظیم نشان ڈِکھالی ڈِتا یعنی ہِک عورت سِجھ کُوں ولھیٹی پئی ہئی تے چَن اُوندے پیراں تلے ہئی تے بارہاں تاریاں دا تاج اُوندے سر اُتے ہا۔

متّی 26:47

او ایہ گالھیں کریندا ای پِیا ہا جو یہُوداہ جیہڑا اُنہاں بارہاں ءچوں ہا، اُتھاں آ گِیا۔ اُوندے نال ہِک وڈی بِھیڑ، تلواراں تے سوٹے چا تے آ پُجی، جِینکُوں سردار کاہِن تے قوم دے بزُرگاں بھیجیا ہا۔

متّی 26:20

جِیں ویلے شام تھئی تاں یسُوع آپنڑے بارہاں شاگرداں نال کھانڑا کھاوݨ بیٹھا۔

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

متّی 6:13

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

متّی 4:23

یسُوع سارے گلیل ءچ پِھردا ریہا تے عبادت خانیاں ءچ تعلیم ڈیندا تے بادشاہی دی خوشخبری سُنڑیندا ریہا، تے لوکاں کُوں ہر طرحاں دی بیماری تے کمزوری تُوں شِفا ڈیندا ریہا۔

متّی 9:35

یسُوع سارے شہراں تے دیہاتاں ءچ وَنج تے اُنہاں دے عبادت خانیاں ءچ تعلیم ڈیندا تے بادشاہی دی خوشخبری سُنڑیندا تے ہر طرحاں دی بیماری تے کمزوری کُوں دُور کریندا ریہا۔

متّی 9:38

اِیں واسطے فصل دے مالک دی مِنت کرو جو آپنڑی فصل کپنڑ کیتے مزدُور بھیج ڈیوے۔“