متّی 1:23 - کِتاب مُقدّس سرائیکی ترجمہ

²³ ”ڈیکھو ہِک کُنواری حاملہ تھیسی تے پوتر جمسی تے اُوندا ناں عِمانُوایل رکھیسن۔“ جِیندا ترجمہ ہے خُدا ساڈے نال۔

متّی دی راہِیں اِنجِیل سرائیکی بولی اِچ

²³ ”ݙیکھو ہِک کُواری پیٹ نال تھیسی اَتے اُونکُوں پُتر ڄَؤسی اَتے اُوندا ناں عِمانُوایل رکھیسِن“ جَیندا مطلب ہے،خُدا ساݙے نال۔

متّی 1:23 Referans Kwoze

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

1 تِیمُتھِیُس 3:16

اِیندے ءچ کوئی شک نئیں جو ساڈے اِیمان دا راز وڈا ہے یعنی او جِسم ءچ ظاہر تھیّا، رُوح دے وسیلے نال صادق ثابت تھیّا فرشتیاں کُوں ڈِکھالی ڈِتا، غیر قوماں ءچ اُوندی تبلیغ تھئی دُنیا ءچ لوک اُوندے اُتے اِیمان گِھن آئے تے او جلال ءچ اسمان اُتے چاتا گِیا۔

متّی 28:20

تے اُنہاں کُوں ایہ تعلیم ڈیؤ جو اُنہاں سبھ گالھیں اُتے عمل کرݨ جِنہاں دا مَیں تُہاکُوں حُکم ڈِتے، تے ڈیکھو مَیں دُنیا دے آخر تئیں ہمیشاں تُہاڈے نال ہاں۔“

2 تِیمُتھِیُس 4:22

خُداوند تیڈی رُوح نال راہوے۔ خُدا دا فضل تیڈے اُتے تھیندا راہوے۔

رومیوں 9:5

قوم دے بزُرگ اُنہاں دے ای ہِن تے المسیح وی جِسمانی طور تے اُنہاں ءچوں ہے، جیہڑا ساریاں اُتے حکُومت کرݨ آلا خُدا ہے۔ اُوندی حمد ہمیشاں تئیں تھیندی راہوے۔ آمین۔

2کُرِنتھِیوں 5:19

مطلب ایہ ہے جو خُدا مسیح دے وسیلے دُنیا نال صُلح کیتی تے لوکاں دے گُناہاں کُوں اُنہاں دے ذمہ نہ لایا تے صُلح دا ایہ پیغام اُوں ساڈے حوالے کر ڈِتے۔

اعمال 18:9

ہِک رات خُداوند پولُس کُوں رویا ءچ آکھیا، ”خوف نہ کر بلکہ آدھا وَنج تے چُپ نہ رہ،

2 تِیمُتھِیُس 4:17

پر خُداوند میڈا مددگار ہئی، تے اُوں میکُوں طاقت ڈِتی تاں جو میڈے وسیلے اُوندا پیغام پُوری طرحاں سُنڑایا ونجے تے سارے غیر قوماں آلے اُونکُوں سُنڑݨ۔ تے اِینویں مَیں شیر دے مُنہ کنُوں چُھڑایا گِیا۔

متّی 1:24

جِیں ویلے یُوسف نیندر تُوں اُٹھیا تاں اُوں اُونویں ای کیتا جِینویں رب دے فرشتہ اُونکُوں حُکم ڈِتا ہا تے آپنڑی ذال کُوں آپنڑے گھر گِھن آیا۔

رومیوں 8:31

بس اساں اِنہاں گالھیں دے بارے ءچ کیا آکھوں؟ جے خُدا ساڈے پاسے ہے تاں کوݨ ساڈا مخالف تھی سگدے؟

لُوقا 20:44

بس داؤد تاں خود اُونکُوں مالک آدھے، وَل او اُوندا پوتر کِینویں تھی سگدے؟“