متّی 1:21 - کِتاب مُقدّس سرائیکی ترجمہ

²¹ اُوندے پوتر جمسی تے تُوں اُوندا ناں یسُوع رکھیں کیوں جو اُوہو آپنڑے لوکاں کُوں اُنہاں دے گُناہاں تُوں نجات ڈیسی۔“

متّی دی راہِیں اِنجِیل سرائیکی بولی اِچ

²¹ اُونکُوں پُتر ڄَؤسی اَتے تُوں اُوندا ناں یِسُوع رکھیں کیوں جو او اپݨے لوکیں کُوں اُنہیں دے گُناہیں کنُوں چھُٹکارا ݙیسی۔“

متّی 1:21 Referans Kwoze

اعمال 13:23

اِیندی نسل ءچوں خُدا آپنڑے وعدہ دے مطابق اِسرائیل دے کولھ ہِک نجات ڈیوݨ آلے یعنی یسُوع کُوں بھیجیا۔

اعمال 4:12

تے کہیں بئے دے وسیلے نجات نئیں مِلدی کیوں جو اسمان دے تلے لوکاں کُوں کوئی ڈُوجھا ناں نئیں بخشیا گِیا جیندے وسیلے نال اساں نجات پا سگوں۔“

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

1 یُوحنّا 3:5

تے تُساں جانڑدے ہیوے جو یسُوع اِیں واسطے ظاہر تھیّا ہا جو گُناہاں کُوں چا گِھن ونجے تے اُوندے ءچ کوئی گُناہ نئیں۔

لُوقا 2:21

جِیں ویلے اَٹھ ڈینہہ پُورے تھئے تے بال دے ختنہ کراوݨ دا وقت آیا تاں اُوندا ناں یسُوع رکھیا گِیا جیہڑا فرشتے مریم کُوں حاملہ تھیوݨ کنُوں پہلے ڈسیا ہا۔

اعمال 5:31

خُدا اُونکُوں ای مالک تے نجات ڈیوݨ آلا بنڑا تے آپنڑے سجے ہتھ آلے پاسُوں بِلھا گِھدا تاں جو اِسرائیل کُوں توبہ دی توفیق تے گُناہاں دی معافی بخشے۔

لُوقا 1:31

تُوں حاملہ تھیسیں تے تیڈے پوتر جم سی۔ اُوندا ناں یسُوع رکھیں۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

لُوقا 2:11

اَج داؤد دے شہر ءچ تُہاڈے کیتے ہِک نجات ڈیوݨ آلا پیدا تھئے یعنی المسیح جیہڑا خُداوند ہے۔

1 یُوحنّا 1:7

پر جے اساں نُور ءچ ٹُردے ہیں جِینویں جو او خود نُور ءچ ہے تاں اساں ہِک ڈُوجھے نال رفاقت رکھیندے ہیں تے اُوندے پوتر یسُوع دا خون ساکُوں سبھ گُناہاں تُوں پاک کریندے۔

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

لُوقا 1:13

پر فرشتے اُونکُوں آکھیا، ”زکریاہ! خوف نہ کر کیوں جو تیڈی دُعا سُنڑی گئی ہے تے تیڈے کیتے تیڈی ذال اِلیشِبَع دے پوتر جمسی۔ تُوں اُوندا ناں یُوحنّا رکھیں۔

متّی 1:25

پر اُوں ویلے تئیں اُوندے کولھ نہ آیا جئیں تئیں اُوندا پوتر نہ جمیا تے اُوندا ناں یسُوع رکھیا۔

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“