لُوقا 9:56 - کِتاب مُقدّس سرائیکی ترجمہ

⁵⁶ کیوں جو اِبنِ آدم لوکاں دی جان برباد کرݨ نئیں بلکہ بچاوݨ کیتے آیا ہے۔“] وَل او کہیں بئی وستی ءچ چلے گئے۔

لُوقا 9:56 Referans Kwoze

رومیوں 12:21

بدی کُوں آپنڑے اُتے غالب نہ آوݨ ڈے بلکہ نیکی نال بدی اُتے غالب آ۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

یُوحنّا 3:17

کیوں جو خُدا آپنڑے پوتر کُوں دُنیا ءچ اِیں خاطر نئیں بھیجیا جو دُنیا کُوں سزا دا حُکم سُنڑاوے بلکہ اِیں واسطے جو دُنیا اُوندے وسیلے نال نجات پاوے۔

یُوحنّا 10:10

چور صرف چوری کرݨ، مار گھتنڑ تے برباد کرݨ آندے۔ مَیں اِیں واسطے آیا ہاں جو لوک زندگی پاوݨ تے کثرت نال پاوݨ۔

لُوقا 19:10

کیوں جو اِبنِ آدم گُم تھئے ہوئیاں کُوں گولھنڑ تے نجات ڈیوݨ آیا ہے۔“

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

1 تِیمُتھِیُس 1:15

ایہ گالھ سچ تے ہر لحاظ نال قبول کرݨ دے لائق ہے جو ”مسیح یسُوع گُنہگاراں کُوں نجات ڈیوݨ کیتے دُنیا ءچ آیا،“ جِنہاں ءچوں سبھ تُوں وڈا گُنہگار مَیں ہاں۔

یُوحنّا 12:47

جے کوئی میڈے گالھیں سُنڑدے تے اُنہاں اُتے عمل نئیں کریندا تاں مَیں اُوندی عدالت نہ کریساں کیوں جو مَیں دُنیا دی عدالت کرݨ نئیں آیا بلکہ نجات ڈیوݨ آیا ہاں۔

لُوقا 23:34

یسُوع آکھیا، ”باپ! اِنہاں کُوں معاف کر کیوں جو ایہ نئیں جانڑدے جو کیا کریندے ہِن۔“ تے اُنہاں پرچی پا تے اُوندے کپڑے آپس ءچ وَنڈ گِھدے۔

لُوقا 22:51

یسُوع جواب ءچ آکھیا، ”بس، بہُوں تھی گِیا۔“ تے اُوندے کَن کُوں ہتھ لا تے ٹھیک کر ڈِتا۔

متّی 5:39

پر مَیں تُہاکُوں ایہ آدھا ہاں جو شریر دا مُقابلہ نہ کرائے بلکہ جیہڑا کوئی تیڈی سجی گَلھ اُتے چاٹ مارے تاں ڈُوجھی وی اُوندے پاسے کر گِھن۔

لُوقا 9:55

پر اُوں مُڑ تے اُنہاں کُوں دَڑکا ڈِتا۔ [تے آکھیا، ”تُساں نئیں جانڑدے جو تُساں کیہڑی رُوح دے ہیوے،

لُوقا 9:57

جِیں ویلے او رستے ءچ ٹُردے ویندے ہَن تاں کہیں یسُوع کُوں آکھیا، ”تُساں جِتھاں وی ویسو مَیں تُہاڈے پِچُھوں آساں۔“

متّی 18:11

[کیوں جو اِبنِ آدم گُم تھئے ہوئیاں کُوں گولھنڑ تے نجات ڈیوݨ آیا ہے۔]