Biblia Todo Logo
Bib sou entènèt

- Piblisite -




لُوقا 9:48 - کِتاب مُقدّس سرائیکی ترجمہ

48 وَل اُنہاں کُوں آکھیا، ”جیہڑا کوئی میڈے ناں ءچ اِیں بال کُوں قبول کریندے او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے، کیوں جو جیہڑا تُہاڈے ءچوں سبھ کنُوں چھوٹا ہے اُوہو وڈا ہے۔“

Gade chapit la Kopi




لُوقا 9:48
23 Referans Kwoze  

کیوں جو جیہڑا کوئی آپنڑے آپ کُوں وڈا بنڑیسی او چھوٹا کیتا ویسی تے جیہڑا آپنڑے آپ کُوں چھوٹا بنڑیسی او وڈا کیتا ویسی۔“


بس خُدا دے زورآور ہتھ دے تلے عاجزی نال راہو تے او تُہاکُوں مناسب ویلے تے سرفراز کریسی۔


پر تُساں اِینویں نہ کرائے بلکہ تُہاڈے ءچوں جیہڑا وڈا ہے او چھوٹے وانگُوں تے جیہڑا سردار ہے او خادم وانگُوں بنڑے۔


مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“


جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“


جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔


اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔


جیندے کولھ میڈے حُکم ہِن تے او اُنہاں کُوں منیندے، اُوہو میڈے نال محبت کریندے۔ تے جیہڑا میڈے نال محبت کریندے او میڈے باپ دا پیارا ہوسی تے مَیں اُوندے نال محبت رکھیساں تے آپنڑے آپ کُوں اُوندے اُتے ظاہر کریساں۔“


تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔


مَیں تُہاکُوں آدھا ہاں جو جیہڑے عورتاں ءچوں پیدا تھئے ہِن، اُنہاں ءچوں یُوحنّا بپتسمہ ڈیوݨ آلے کنُوں وڈا کوئی نئیں، پر جیہڑا خُدا دی بادشاہی ءچ سبھ تُوں چھوٹا ہے او اُوں کنُوں وڈا ہے۔“


”جیہڑا کوئی میڈے ناں ءچ ایجھے بال کُوں قبول کریندے او میکُوں قبول کریندے، تے جیہڑا کوئی میکُوں قبول کریندے او میکُوں نئیں بلکہ میڈے بھیجنڑ آلے کُوں قبول کریندے۔“


وَل او اُنہاں کُوں جواب ڈیسی، ’مَیں تُہاکُوں سچ آدھا ہاں جو جِیں ویلے تُساں اِنہاں ساریاں کنُوں چھوٹیاں ءچوں کہیں دے نال ایہ سلوک نہ کیتا تاں میڈے نال نہ کیتا۔‘


بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘


یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔


اِینویں ای تُہاڈا اسمانی باپ ایہ نئیں چاہندا جو اِنہاں چھوٹیاں ءچوں ہِک وی ہلاک تھیوے۔


خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔


اُوں شہر دی چاردیواری دی بنیاد بارہاں پتھراں اُتے قائم ہئی جِنہاں اُتے لیلے دے بارہاں رسُولاں دے ناں لِکھے ہَن۔


Swiv nou:

Piblisite


Piblisite