لُوقا 9:44 - کِتاب مُقدّس سرائیکی ترجمہ

⁴⁴ ”میڈے ایہ گالھیں ذہن ءچ رکھ گِھنو کیوں جو اِبنِ آدم، بندیاں دے حوالے کیتا ونجنڑ آلا ہے۔“

لُوقا 9:44 Referans Kwoze

اعمال 2:23

جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

لُوقا 9:22

تے آکھیا، ”ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ زندہ تھی ونجے۔“

عبرانیوں 2:1

اِیں واسطے لازم ہے جو جیہڑا کلام اساں سُنڑے، اُوندے اُتے بِیا وی غور کرُوں، کِتھائیں اِینویں نہ تھیوے جو اساں وَیہہ تے اُوندے کنُوں دُور لگے ونجُوں۔

لُوقا 2:19

پر مریم اِنہاں سارے گالھیں کُوں آپنڑے دل ءچ رکھ تے غور کریندی ریہی۔

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

یُوحنّا 16:4

پر مَیں ایہ گالھیں تُہاکُوں اِیں واسطے آکھیاں ہِن جو جِیں ویلے اُنہاں دا وقت آوے تاں تُہاکُوں یاد آ ونجے جو مَیں تُہاکُوں پہلے ای چِتا ڈِتا ہا۔ شروع ءچ مَیں ایہ گالھیں اِیں واسطے تُہاکُوں نئیں آکھیا جو مَیں تُہاڈے نال ہم،

لُوقا 24:44

وَل اُوں اُنہاں کُوں آکھیا، ”جِیں ویلے مَیں تُہاڈے نال ہم تاں تُہاکُوں ایہ گالھیں ڈسا ڈِتیاں ہَن جو مُوسیٰ دی توریت، نبیاں دے صحیفیاں تے زبُور ءچ میڈے بارے جیہڑا کُجھ لِکھیا ہے، اُنہاں دا پُورا تھیوݨ ضرور ہے۔“

لُوقا 18:31

وَل اُوں اُنہاں بارہاں کُوں آپنڑے نال گِھدا تے اُنہاں کُوں آکھیا جو ”ڈیکھو اساں یروشلیم کُوں ویندے ہاں تے نبیاں جیہڑا کُجھ اِبنِ آدم دے بارے ءچ لِکھیا ہے او پُورا تھیسی۔

لُوقا 2:51

او اُنہاں نال روانہ تھی تے ناصرت ءچ آیا تے اُنہاں دے تابع ریہا۔ اُوندی ماء ایہ سارے گالھیں آپنڑے دل ءچ رکھیاں۔

لُوقا 1:66

سبھ سُنڑݨ آلیاں دل ءچ سوچ تے آکھیا جو ”ایہ چھوہر کیجھا تھیسی؟ کیوں جو رب دا ہتھ اُوندے اُتے ہا۔“

مرقس 9:31

اِیں واسطے جو او آپنڑے شاگرداں کُوں تعلیم ڈیندا تے اُنہاں کُوں اکھیندا ہا جو ”اِبنِ آدم بندیاں دے حوالے کیتا ویسی تے او اُونکُوں قتل کریسن تے او قتل تھیوݨ دے ترے ڈینہہ بعد زندہ تھی ویسی۔“

مرقس 8:31

وَل یسُوع اُنہاں کُوں تعلیم ڈیوݨ لگا جو ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ ولا زندہ تھی ونجے۔

متّی 26:2

”تُہاکُوں پتہ ہے جو ڈُو ڈینہہ بعد عید ِ فسح ہے، تے اِبنِ آدم کُوں پکڑوا ڈِتا ویسی تاں جو او صلیب اُتے چڑھا ڈِتا ونجے۔“

متّی 16:21

اُوں ویلے تُوں یسُوع آپنڑے شاگرداں اُتے ظاہر کرݨ شروع کر ڈِتا جو اُوندے کیتے لازمی ہے جو یروشلیم ونجے تے بزُرگاں تے سردار کاہِناں تے شریعت دے عالماں دے ہتُھوں بہُوں ڈُکھ چاوے تے قتل کیتا ونجے، تے تریجھے ڈینہہ زندہ تھی ونجے۔

یُوحنّا 16:31

یسُوع اُنہاں کُوں جواب ڈِتا، ”کیا ہُنڑ تُساں اِیمان گِھن آندے ہیوے؟