لُوقا 9:43 - کِتاب مُقدّس سرائیکی ترجمہ

⁴³ سبھ لوک خُدا دی قُدرت ڈیکھ تے حیران تھئے۔ جیہڑے ویلے سبھ لوک اُنہاں سبھ کماں کنُوں جیہڑے یسُوع کریندا ہا، حیران تھیندے پئے ہَن، اُوں آپنڑے شاگرداں کُوں آکھیا،

لُوقا 9:43 Referans Kwoze

متّی 17:22

جِیں ویلے او گلیل ءچ ہَن، یسُوع اُنہاں کُوں آکھیا، ”اِبنِ آدم، بندیاں دے حوالے کیتا ویسی۔

2 پطرس 1:16

کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔

لُوقا 8:25

اُوں اُنہاں کُوں آکھیا، ”تُہاڈا اِیمان کِتھاں گِیا؟“ او ڈر گئے تے بہُوں حیران تھی تے ہِک بئے کُوں آکھنڑ لگے، ”ایہ کوݨ ہے؟ ایہ تاں ہوا تے پانڑی کُوں وی حُکم ڈیندے تے او اُوندی منیندے ہِن۔“

لُوقا 5:26

او سبھ حیران تھی گئے تے خُدا دی حمد کرݨ لگے۔ تے او بہُوں ڈر گئے تے آکھنڑ لگے جو اَج اساں عجیب گالھیں ڈِٹھیاں ہِن۔

لُوقا 4:36

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیجھا کلام ہے؟ او اِختیار تے قُدرت نال بدرُوحاں کُوں حُکم ڈیندے تے او نِکل ویندیاں ہِن۔“

لُوقا 5:9

کیوں جو مچھیاں دے اِیں شکار دی وجہ کنُوں شمعون تے اُوندے دوست بہُوں حیران تھئے۔

مرقس 6:51

وَل او کشتی ءچ اُنہاں کولھ آیا تے ہوا رُک گئی۔ او آپنڑے دِلاں ءچ بہُوں حیران تھئے،

لُوقا 9:42

او آندا ای پِیا ہا جو بدرُوح اُونکُوں زمین اُتے زور نال سَٹ تے مروڑیا۔ پر یسُوع اُوں بدرُوح کُوں دَڑکا ڈِتا تے چھوہر کُوں شِفا بخشی، تے اُوندے پِیُو کُوں ڈے ڈِتا۔

لُوقا 18:43

او اُونہی ویلے ڈیکھنڑ لگ پِیا تے خُدا دی حمد کریندا ہویا یسُوع دے پِچُھوں ٹُرݨ لگ پِیا تے سارے لوکاں ایہ ڈیکھ تے خُدا دی حمد کیتی۔