لُوقا 9:31 - کِتاب مُقدّس سرائیکی ترجمہ

³¹ او جلال ءچ ظاہر تھئے تے اُوندے دُنیا تُوں ونجنڑ دا ذِکر کریندے پئے ہَن جیہڑا یروشلیم ءچ تھیوݨ آلا ہا۔

لُوقا 9:31 Referans Kwoze

فِلِپّیوں 3:21

او آپنڑی طاقت نال سارے چیزاں کُوں آپنڑے تابع کر سگدے تے اِیں طاقت دے ذریعے او ساڈے پست حال بدن دی شکل بدل تے اُونکُوں آپنڑے بدن وانگُوں جلال آلا بنڑا ڈیسی۔

2 پطرس 1:15

بس مَیں پُوری کوشش کریساں جو میڈے کُوچ کرݨ تُوں بعد تُساں اِنہاں گالھیں کُوں ہمیشاں یاد رکھ سگو۔

1 پطرس 5:10

تُہاڈے تھوڑی دیر تئیں ڈُکھ چاوݨ تُوں بعد، خُدا جیہڑا سارے فضل دا مالک ہے تے جئیں مسیح دے ذریعے تُہاکُوں آپنڑے ابدی جلال ءچ شریک تھیوݨ کیتے سڈے، اُوہو خود تُہاکُوں کامِل، مضبوط، قائم تے زورآور کریسی۔

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔

کلُسِّیوں 3:4

جِیں ویلے مسیح جیہڑا تُہاڈی زندگی ہے، ظاہر تھیسی تاں تُساں وی اُوندے نال جلال ءچ ظاہر تھیسو۔

2کُرِنتھِیوں 3:18

اِیں واسطے شیشے آلی کار اساں ساریاں دے بے نقاب چہریاں تُوں خُداوند دا جلال ظاہر تھیندے تے اساں خُداوند دے رُوح القُدس دے وسیلے نال آہستہ آہستہ اُوندی جلالی صورت ءچ بدلدے ویندے ہیں۔

یُوحنّا 1:29

ڈُوجھے ڈینہہ یُوحنّا یسُوع کُوں آپنڑے کولھ آندے ڈیکھ تے آکھیا ”ڈیکھو ایہ خُدا دا لیلا ہے جیہڑا دُنیا دا گُناہ چا تے گِھن ویندے۔

لُوقا 9:22

تے آکھیا، ”ضرور ہے جو اِبنِ آدم بہُوں ڈُکھ چاوے تے بزُرگ تے سردار کاہِن تے شریعت دے عالم اُونکُوں رَد کرݨ، تے او قتل کیتا ونجے تے تریجھے ڈینہہ زندہ تھی ونجے۔“

لُوقا 9:30

تے ڈیکھو، ڈُو بندے یعنی مُوسیٰ تے ایلیّاہ اُوندے نال گالھیں کریندے پئے ہَن۔

عبرانیوں 11:22

اِیمان دی وجہ کنُوں ای یُوسف مردے ویلے بنی اِسرائیل دے مِصر ءچوں نِکل ونجنڑ دا ذِکر کیتا تے آپنڑیاں ہڈیاں دفن کرݨ دے بارے ءچ حُکم ڈِتا۔