لُوقا 9:3 - کِتاب مُقدّس سرائیکی ترجمہ

³ تے اُنہاں کُوں آکھیا جو ”رستے کیتے کُجھ نہ گِھنائے نہ سوٹی، نہ تھیلا، نہ روٹی، نہ پیسے تے نہ ڈُو ڈُو چولے۔

لُوقا 9:3 Referans Kwoze

لُوقا 22:35

وَل اُوں اُنہاں کُوں آکھیا جو ”جِیں ویلے مَیں تُہاکُوں بٹوے، رقم تے جُتیاں دے بغیر بھیجیا ہا تاں کیا تُساں کہیں چیز دے مُتھاج تھئے ہَوے؟“ اُنہاں آکھیا، ”کہیں چیز دے نئیں۔“

2 تِیمُتھِیُس 2:4

کوئی سپاہی آپنڑے آپ کُوں دُنیا دے معاملیاں ءچ نئیں پھسیندا کیوں جو او بھرتی کرݨ آلے کُوں خوش کرݨ چاہندے۔

لُوقا 12:22

وَل یسُوع آپنڑے شاگرداں کُوں آکھیا، ”اِیہو وجہ ہے جو مَیں تُہاکُوں آدھا ہاں جو آپنڑی زندگی دی فِکر نہ کرو جو کیا کھاسوں، نہ آپنڑے بدن دی جو کیا پیسُوں۔

لُوقا 3:11

اُوں جواب ءچ آکھیا، ”جیندے کولھ ڈُو چولے ہووݨ، او ہِک اُونکُوں ڈیوے جیندے کولھ ہِک وی کائنی، تے جیندے کولھ کھانڑا ہووے او وی اِینویں ای کرے۔“

لُوقا 12:28

بس جِیں ویلے خُدا میدان دی گھاہ کُوں، جیہڑی اَج ہے تے کل تنُور ءچ سَٹ ڈِتی ویسی، ایجھی پُشاک پویندے، تاں کمزور اِیمان آلیو! تُہاکُوں کیوں نہ پویسی؟

لُوقا 5:29

وَل لاوی آپنڑے گھر ءچ اُوندی وڈی دعوت کیتی تے اُتھاں محصُول گِھننڑ آلے تے ڈُوجھے لوکاں دی، جیہڑے دعوت ءچ شریک ہَن، وڈی بِھیڑ ہئی۔

مرقس 6:7

تے اُوں اُنہاں بارہاں کُوں آپنڑے کولھ سڈ تے اُنہاں کُوں ڈُو ڈُو کر تے بھیجنڑ شروع کیتا، تے اُنہاں کُوں بدرُوحاں اُتے اِختیار بخشیا،

لُوقا 9:4

جِیں گھر ءچ داخل تھیوائے اُتھائیں ٹِکے رہوائے، تے اُتھوں ای روانہ تھیوائے۔