لُوقا 9:29 - کِتاب مُقدّس سرائیکی ترجمہ

²⁹ جِیں ویلے او دُعا کریندا پِیا ہا تاں اُوندی شکل بدل گئی تے اُوندا لباس چِٹّا تے نُورانی تھی گِیا۔

لُوقا 9:29 Referans Kwoze

متّی 17:2

اُتھاں اُنہاں دے سامنڑے اُوندی شکل بدل گئی۔ اُوندا مُنہ سِجھ وانگُوں چمکنڑ پے گِیا تے اُوندا لباس نُور وانگُوں چِٹّا تھی گِیا۔

مُکاشفہ 20:11

وَل مَیں ہِک وڈا سفید تخت ڈِٹھا تے اُونکُوں وی جیہڑا اُوندے اُتے بیٹھا ہا۔ زمین تے اسمان اُوندی حضُوری کنُوں بھج گئے تے اُنہاں کُوں کِتھائیں جاہ نہ مِلی۔

اعمال 6:15

اُنہاں ساریاں، جیہڑے عدالت ءچ بیٹھے ہَن، ستِفُنس اُتے نِگاہ کیتی تاں ڈِٹھا جو اُوندا چہرہ فرشتے آلی کار ہے۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

مرقس 16:12

اِیندے بعد یسُوع ڈُوجھی صورت ءچ ڈُو بندیاں اُتے جِیں ویلے او دیہات دو پیدل ویندے پئے ہَن، ظاہر تھیّا۔

لُوقا 3:21

جِیں ویلے سبھ لوکاں بپتسمہ گِھن گِھدا تاں یسُوع وی بپتسمہ گِھدا۔ جِیں ویلے او دُعا کریندا پِیا ہا تاں اسمان کُھل گِیا،

لُوقا 5:16

پر او اکثر بیابان ءچ الگ وَنج تے دُعا کریندا ہا۔

لُوقا 6:12

اُنہاں ڈینہاں ءچ یسُوع دُعا کرݨ کیتے پہاڑ اُتے گِیا تے ساری رات خُدا کنُوں دُعا منگدا ریہا۔

لُوقا 9:18

ہِک ڈینہہ جِیں ویلے یسُوع کلھا دُعا کریندا پِیا ہا تے شاگرد اُوندے کولھ ہَن تاں اُوں اُنہاں کنُوں پُچھیا، ”لوک میکُوں کیا آدھے ہِن؟“

لُوقا 9:30

تے ڈیکھو، ڈُو بندے یعنی مُوسیٰ تے ایلیّاہ اُوندے نال گالھیں کریندے پئے ہَن۔