لُوقا 9:20 - کِتاب مُقدّس سرائیکی ترجمہ

²⁰ اُوں اُنہاں کنُوں پُچھیا، ”پر تُساں میکُوں کیا آدھے ہیوے؟“ پطرس جواب ڈِتا، ”خُدا دے المسیح۔“

لُوقا 9:20 Referans Kwoze

یُوحنّا 7:41

کُجھ آکھیا، ”ایہ المسیح ہے“ تے کُجھ آکھیا، ”کائنا، کیا مسیح گلیل تُوں آسی؟

یُوحنّا 4:29

”آؤ، ہِک بندے نال مِلو جئیں میکُوں سبھ کُجھ جیہڑا مَیں ہُنڑ تئیں کیتا ہا، ڈسا ڈِتے۔ کیا اِیہو المسیح تاں نئیں؟“

اعمال 17:3

او اُوندا مطلب واضح کریندا تے ثابت کریندا ہا جو ”المسیح دا ڈُکھ چاوݨ تے مُردیاں ءچوں زندہ تھیوݨ لازمی ہا“ تے ایہ جو ”جِیں یسُوع دی تبلیغ مَیں کریندا ہاں اُوہو المسیح ہے۔“

اعمال 9:22

پر ساؤل رُوحانی زور ءچ ودھدا گِیا تے او اِیں گالھ کُوں ثابت کر تے جو المسیح یسُوع ای ہے، دمشق دے راہنڑ آلے یہُودیاں کُوں پریشان کریندا ریہا۔

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

یُوحنّا 11:27

اُوں اُونکُوں آکھیا، ”ہاں مالک! میڈا اِیمان ہے جو خُدا دا پوتر المسیح جیہڑا دُنیا ءچ آوݨ آلا ہا، تُساں ای ہیوے۔“

یُوحنّا 4:42

اُنہاں اُوں عورت کُوں آکھیا، ”ہُنڑ اساں تیڈے آکھنڑ تے ای اِیمان نئیں گِھن آئے کیوں جو اساں خود سُنڑ گِھدے تے جانڑدے ہیں جو ایہ فی الحقیقت دُنیا دا نجات ڈیوݨ آلا ہے۔“

یُوحنّا 1:49

نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 1:41

اندریاس پہلا کم ایہ کیتا جو آپنڑے بِھرا شمعون کُوں گولھ تے اُونکُوں آکھیا جو ”ساکُوں المسیح مِل گِیا ہے۔“ (مسیح دا مطلب خُدا دا چُنڑیا ہویا بادشاہ ہے۔)

مرقس 8:29

اُوں اُنہاں کنُوں پُچھیا، ”پر تُساں میکُوں کیا آدھے ہیوے؟“ پطرس جواب ڈِتا، ”تُساں المسیح ہیوے۔“

1 یُوحنّا 5:1

جیہڑا کوئی ایہ اِیمان رکھیندے جو یسُوع ای المسیح ہے، او خُدا دا فرزند ہے تے جیہڑا باپ نال محبت رکھیندے او اُوندے فرزنداں نال وی محبت رکھیندے۔

اعمال 8:36

او رستے ءچ ویندے ہوئے، ایجھی جاہ اُتے پُجے جِتھاں پانڑی ہا۔ خوجے آکھیا ”ڈیکھ اِتھاں پانڑی موجود ہے، ہُنڑ میکُوں بپتسمہ گِھننڑ تُوں کیہڑی چیز روکیندی ہے؟“

لُوقا 22:67

”جے تُوں المسیح ہیں تاں ساکُوں ڈسا ڈے۔“ اُوں اُنہاں کُوں آکھیا، ”جے مَیں تُہاکُوں آکھاں تاں تُساں میڈے یقین نہ کریسو،

مرقس 14:61

پر او چُپ ای ریہا تے کوئی جواب نہ ڈِتا۔ کاہِن ِ اعظم اُونکُوں ولا پُچھیا، ”کیا تُوں خُدائے محمُود دا پوتر المسیح ہیں؟“

متّی 22:42

”المسیح دے بارے ءچ تُہاڈا کیا خیال ہے؟ او کِیندا پوتر ہے؟“ اُنہاں جواب ڈِتا، ”داؤد دا۔“

متّی 5:47

تے جے تُساں صرف آپنڑے ای بِھرانواں کُوں سلام کرو تاں کیہڑی وڈی گالھ کریندے ہیوے؟ کیا غیر قوماں دے لوک وی اِینویں نئیں کریندے؟

متّی 26:63

پر یسُوع چُپ ای ریہا۔ کاہِن ِ اعظم اُونکُوں آکھیا، ”مَیں تیکُوں زندہ خُدا دی قَسم ڈیندا ہاں جو جے تُوں خُدا دا پوتر المسیح ہیں تاں ساکُوں ڈسا ڈے۔“

لُوقا 9:19

اُنہاں جواب ڈِتا، ”یُوحنّا بپتسمہ ڈیوݨ آلا، تے کُجھ ایلیّاہ آدھے ہِن، تے کُجھ ایہ جو پُرانڑے نبیاں ءچوں کوئی زندہ تھی گِیا ہے۔“