لُوقا 9:11 - کِتاب مُقدّس سرائیکی ترجمہ

¹¹ پر جِیں ویلے لوکاں کُوں ایہ پتہ چلیا تاں او اُوندے پِچُھوں اُتھاں پُج گئے۔ او خوشی نال اُنہاں کُوں مِلیا تے اُنہاں نال خُدا دی بادشاہی دے گالھیں کرݨ لگا، تے جِنہاں کُوں شِفا دی ضرورت ہئی اُنہاں کُوں شِفا بخشی۔

لُوقا 9:11 Referans Kwoze

عبرانیوں 4:16

اِیں واسطے اساں خُدا دے فضل دے تخت دے کولھ دلیری نال جُلوں تاں جو او ساڈے اُتے رحم کرے تے اساں اُوں فضل کُوں حاصل کرُوں جیہڑا ضرورت ویلے ساڈی مدد کرے۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

رومیوں 15:3

کیوں جو مسیح وی آپنڑی خوشی دا خیال نہ رکھیا بلکہ لِکھیا ہے جو ”تیڈے لعن طعن کرݨ آلیاں دی لعن طعن میڈے اُتے آ پئی ہے۔“

رومیوں 10:14

پر او اُوندا ناں کِینویں گِھننڑ جیندے اُتے او اِیمان نہ گِھن آئے؟ تے اُوندے اُتے اِیمان کِینویں گِھن آوݨ جیندے بارے ءچ نئیں سُنڑیا؟ تے کِینویں سُنڑݨ جئیں تئیں کوئی اُنہاں کُوں خوشخبری نہ سُنڑاوے؟

اعمال 28:31

او بہُوں دلیری نال خُدا دی بادشاہی دی خوشخبری سُنڑیندا تے خُداوند یسُوع المسیح دے بارے ءچ تعلیم ڈیندا ریہا تے کہیں اُونکُوں روکنڑ دی کوشش نہ کیتی۔

یُوحنّا 6:37

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

یُوحنّا 4:34

یسُوع اُنہاں کُوں آکھیا، ”میڈا کھانڑا ایہ ہے جو مَیں آپنڑے بھیجنڑ آلے دی مرضی پُوری کراں تے اُوندا کم پُورا کراں۔

لُوقا 9:2

تے اُنہاں کُوں خُدا دی بادشاہی دی تبلیغ کرݨ تے بیماراں کُوں چنگا کرݨ کیتے بھیجیا۔

لُوقا 8:10

اُوں آکھیا، ”تُہاکُوں تاں خُدا دی بادشاہی دے راز سمجھنڑ دی قابلیت ڈِتی گئی ہے، پر ڈُوجھیاں کُوں ایہ مثالاں ءچ بیان کیتا ویندے تاں جو ڈیدھے ہوئے نہ ڈیکھنڑ تے سُنڑدے ہوئے نہ سمجھنڑ۔

لُوقا 8:1

کُجھ عرصے بعد یسُوع آپنڑے بارہاں رسُولاں نال شہراں تے وستیاں ءچ وَنج تے خُدا دی بادشاہی دی خوشخبری سُنڑیندا تے تبلیغ کریندا ریہا۔

لُوقا 5:31

یسُوع جواب ءچ اُنہاں کُوں آکھیا جو ”تندرُستاں کُوں حکیم دی لوڑ نئیں بلکہ بیماراں کُوں۔

لُوقا 1:53

اُوں بُکھیاں کُوں چنگیاں چیزاں نال رَجا ڈِتا پر دولت منداں کُوں خالی ہتھ پِچھاں پھیر ڈِتا۔

متّی 21:43

اِیں واسطے مَیں تُہاکُوں آدھا ہاں جو خُدا دی بادشاہی تُہاڈے کنُوں گِھن گِھدی ویسی تے اُوں قوم کُوں ڈے ڈِتی ویسی جیہڑی بادشاہ دی مرضی دے مطابق پھل گِھن آسی۔

متّی 21:31

اِنہاں ڈوہاں ءچوں کیہڑے پوتر، پِیُو دا حُکم منیا؟“ اُنہاں جواب ڈِتا، ”پہلے۔“ یسُوع اُنہاں کُوں آکھیا، ”مَیں تُہاکُوں سچ آدھا ہاں جو محصُول گِھننڑ آلے تے طوائفاں تُہاڈے کنُوں پہلے خُدا دی بادشاہی ءچ داخل تھیسن۔

متّی 14:14

یسُوع لہہ تے وڈی بِھیڑ ڈِٹھی تاں اُونکُوں اُنہاں اُتے ترس آیا تے اُوں اُنہاں دے بیماراں کُوں شِفا بخشی۔

رومیوں 10:17

بس اِیمان پیغام سُنڑݨ تُوں پیدا تھیندے یعنی مسیح دا کلام سُنڑݨ تُوں۔

متّی 12:15

یسُوع ایہ معلوم کر تے اُتھوں کنُوں روانہ تھیّا تے لوکاں دی ہِک بِھیڑ اُوندے پِچُھوں ٹُر پئی تے اُوں سبھ کُوں چنگا کر ڈِتا۔

لُوقا 9:10

وَل رسُولاں جیہڑا کُجھ کیتا ہا، واپس آ تے یسُوع کُوں ڈسایا۔ وَل او اُنہاں کُوں اَنج گِھن تے بیت صیدا ناں دے ہِک شہر دو روانہ تھیّا۔

لُوقا 9:12

جیہڑے ویلے سورج لہنڑ لگا تاں اُنہاں بارہاں آ تے اُونکُوں آکھیا، ”اِنہاں لوکاں کُوں روانہ کر ڈیؤ تاں جو او چودھارُوں دے دیہاتاں تے وستیاں ءچ وَنج تے ٹِکنڑ تے آپنڑے کھاوݨ دا اِنتظام کرݨ کیوں جو اساں اِتھاں ویران جاہ ءچ ہیں۔“