لُوقا 9:1 - کِتاب مُقدّس سرائیکی ترجمہ

¹ یسُوع اُنہاں بارہاں کُوں سڈ تے اُنہاں کُوں سبھ بیماریاں کنُوں شِفا ڈیوݨ تے بدرُوحاں اُتے قُدرت تے اِختیار بخشیا۔

لُوقا 9:1 Referans Kwoze

یُوحنّا 14:12

مَیں تُہاکُوں سچ آدھا ہاں جو جیہڑا میڈے اُتے اِیمان رکھیندے او وی اُوہو کم کریسی جیہڑے مَیں کریندا ہاں بلکہ اِنہاں کنُوں وی وڈے کم کریسی کیوں جو مَیں باپ دے کولھ ویندا ہاں۔

لُوقا 10:19

ڈیکھو مَیں تُہاکُوں اِختیار ڈِتے جو سَپاں تے وِٹھوویاں کُوں لتاڑو تے دُشمنڑ دی ساری قُدرت اُتے غالب آؤ تے تُہاکُوں کہیں چیز کنُوں نُقصان نہ پُجسی۔

اعمال 4:30

تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

متّی 16:19

مَیں اسمان دی بادشاہی دیاں کُنجیاں تیکُوں ڈیساں تے جیہڑا کُجھ تُوں زمین اُتے بدھیسیں او اسمان اُتے بدھیسی، تے جیہڑا کُجھ تُوں زمین اُتے کھولیسیں او اسمان اُتے کھولیا ویسی۔“

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 9:34

پطرس اُونکُوں آکھیا ”اَینیاس! یسُوع مسیح تیکُوں شِفا ڈیندے۔ اُٹھی تے آپنڑا بستر آپ ولھیٹ۔“ او فوراً اُٹھی کھڑا تھیّا۔

اعمال 3:16

یسُوع دے ناں اُتے اِیمان رکھنڑ نال اِیں بندے، جِینکُوں تُساں ڈیدھے تے جانڑدے ہیوے، شِفا پائی۔ اُوں اِیمان جیہڑا یسُوع دے وسیلے نال ہے اُونکُوں سبھ دے سامنڑے ایہ کامِل تندرُستی ڈِتی۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی 8:9

کیوں جو مَیں خود وی کہیں بئے دے اِختیار ءچ ہاں تے سپاہی میڈے ماتحت ہِن، تے جیہڑے ویلے مَیں ہِک کُوں آدھا ہاں جو ’وَنج‘ تاں او ویندے، تے ڈُوجھے کُوں جو ’آ‘ تاں او آندے تے آپنڑے نوکر کُوں جو ’ایہ کر‘ تاں او کریندے۔“

لُوقا 10:1

اِنہاں گالھیں دے بعد خُداوند بہتّر بئے بندے مقرر کیتے تے اُنہاں کُوں ڈُو ڈُو کر تے آپنڑے کنُوں پہلے اُنہاں شہراں تے وستیاں ءچ روانہ کیتا جِتھاں او خود ونجنڑ آلا ہا۔