لُوقا 8:35 - کِتاب مُقدّس سرائیکی ترجمہ

³⁵ لوک اِیں ماجرے کُوں ڈیکھنڑ کیتے نِکلے تے یسُوع دے کولھ آ تے اُوں بندے کُوں جیندے ءچوں بدرُوحاں نِکلیاں ہَن کپڑے پاتے تے ہوش ءچ یسُوع دے قدماں ءچ بیٹھے ڈِٹھا تاں ڈر گئے۔

لُوقا 8:35 Referans Kwoze

لُوقا 10:39

مَرتھا دی ہِک بھینڑ ہئی جِیندا ناں مریم ہا۔ او خُداوند دے پیراں دے کولھ بہہ تے اُوندا کلام سُنڑدی پئی ہئی۔

1 یُوحنّا 3:8

جیہڑا کوئی گُناہ کریندا راہندے، او ابلیس دا بندہ ہے، کیوں جو ابلیس شروع کنُوں ای گُناہ کریندا ریہا ہے۔ خُدا دا پوتر اِیں واسطے ظاہر تھئے جو ابلیس دے کماں کُوں برباد کر ڈیوے۔

اعمال 22:3

”مَیں یہُودی ہاں تے کلکیہ دے شہر تَرسُس ءچ پیدا تھیّا، پر میڈی تربیت اِیں شہر ءچ گملی ایل دے پیراں ءچ تھئی۔ مَیں پِیُو ڈاڈا دی شریعت اُتے پابندی نال عمل کرݨ دی تعلیم گِھدی۔ مَیں خُدا کیتے ایجھا جوشیلا ہم جِینویں اَج تُساں ہیوے۔

لُوقا 8:27

جِیں ویلے او کنارے اُتے لتھا تاں اُوں شہر دا ہِک بندہ اُونکُوں مِلیا جیندے ءچ بدرُوحاں ہَن۔ تے اُوں وڈی مُدت کنُوں کپڑے نہ پاتے ہَن تے او گھر ءچ نئیں بلکہ قبرستان ءچ راہندا ہا۔

لُوقا 15:17

وَل اُوں ہوش ءچ آ تے آکھیا، ’میڈے پِیُو دے مزدُوراں کُوں ضرورت کنُوں وی زیادہ روٹی مِلدی ہے تے مَیں اِتھاں بُکھا مردا پِیا ہاں!

لُوقا 2:46

ترے ڈینہہ بعد اُنہاں اُونکُوں ہیکل ءچ عالماں دے وچال بیٹھے، اُنہاں دی سُنڑدے تے اُنہاں نال سوال کریندے ڈِٹھا۔

مرقس 5:15

او یسُوع دے کولھ آئے، تے اُوں بندے کُوں جیندے ءچ بدرُوحاں دا لشکر ہا، کپڑے پاتے، تے ہوش ءچ بیٹھے ڈِٹھا تاں ڈر گئے۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

لُوقا 8:34

ایہ واقعہ ڈیکھ تے چراوݨ آلے بھجے تے شہر تے دیہات ءچ اِیں گالھ دی خبر پُچائی۔