لُوقا 8:32 - کِتاب مُقدّس سرائیکی ترجمہ

³² اُتھاں پہاڑ اُتے سُؤراں دا ہِک وڈا اِجڑ چردا پِیا ہا۔ اُنہاں یسُوع دی مِنت کیتی جو ”ساکُوں اِنہاں دے اندر ونجنڑ ڈے۔“ اُوں اُنہاں کُوں اِجازت ڈِتی،

لُوقا 8:32 Referans Kwoze

مُکاشفہ 20:7

جِیں ویلے ہزار سال پُورے تھی ویسن تاں شیطان آپنڑی قید ءچوں رِہا کر ڈِتا ویسی۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

متّی 7:6

پاک چیز کُتیاں دے اگُوں نہ رکھو تے آپنڑے موتی سُوراں دے اگُوں نہ سٹو۔ اِینویں نہ تھیوے جو او اُنہاں کُوں پیراں تلے لتاڑن تے مُڑ تے تُہاکُوں چِیر پھاڑ سٹنڑ۔

لُوقا 8:31

او اُوندی مِنت کرݨ لگیاں جو ”ساکُوں سزا دے کھڈے ءچ ونجنڑ دا حُکم نہ ڈے۔“

لُوقا 8:33

تے بدرُوحاں اُوں بندے ءچوں نِکل تے سُؤراں ءچ داخل تھی گئیاں تے اِجڑ ریڑھ کنُوں بھجدے ہوئے جھیل ءچ وَنج ڈھٹھا تے بُڈ مریا۔